KILATAMATKAN LA KSTALANINANIN CRISTO
Kalikatsiw la José chu katsalaniw talakgxtumit xalimaxana
José kinkawilinin tlan liʼakxilhtit xlakata tuku kilitlawatkan komo nakinkaliputsananikanan talakgxtumit xalimaxana. Akxni xpuskat xmalana xwani pi xtatamalh xla ni xkgaxmatni (Gé 39:7-10). Xla xkgalhtinan: «¿La naktlawa uma tuku lu nitlan chu naklakgalhinan kxlakatin Dios?». Uma tuku wa, limasiyalh pi xla liwana xkatsi pi Jehová lu xlakaskinka akxilha ni nalaʼakgskgawikan ktamakgaxtokgat. Wa xlakata, akxni xpuskat xmalana xwanima pi xtatamalh, xla ni anta tamakgxtakgli wata tsalalh chu ni kgaxmatnilh tuku xwanima uma puskat (Gé 39:12; 1Co 6:18).
AKXNI AKXILHNITATA VIDEO KATSALANI TALAKGXTUMIT XALIMAXANA, KAKGALHTI UMAKGOLH TAKGALHSKININ:
¿Tuku titaxtulh Jin?
¿Tuku xlakaskinka takgalhskinin xʼakstu tlawanika Jin akxni Mee-Kyong skinilh tamakgtay xlakata xtatlawalh tarea xla Matemáticas?
¿La xlimakgkatsi Jin xlakata la Mee-Kyong xlikatsini?
¿Niku putsalh tamakgtay Jin?
¿Tuku tlawalh Jin xlakata natsalani talakgxtumit xalimaxana?
¿Tuku kinkamasiyaniyan uma video?