TUKU LHUWA XTAPALH XALAK BIBLIA | ÉXODO 33, 34
Lakstlan xtayat Jehová
Xlakata Moisés liwana xlakgapasa xtayat Jehová makgtayalh xlakata ni lakapala xkasitsinilh israelitas. Nachuna akinin, komo tlakg nalakgapasaw la xtayat Jehová, tlakg tlan nakalikatsiniyaw kinatalankan.
«Xalakgalhamana chu tiku tlan likatsi». Jehová kakuentajtlawa xlakskujnin, kalimasiyani tapaxkit chu kalilakgaputsa, chuna la tlawakgo natlatni xpalakata xkamanankan.
«Ni lakapala sitsi». Jehová ni lakapala kasitsini xlakskujnin tiku tlawakgo tuku nitlan chu kamaxki kilhtamaku xlakata natalakgpalikgo.
«Kgalhi lhuwa tapaxkit nema ni makgxtakgnan». Xtapaxkit nema ni makgxtakgnan nema makgkatsi Jehová xpalakata xkachikin natawila putum kilhtamaku.
AKSTU KAKGALHSKINKA: «¿La tlan nachuna naklimasiya xtalakgalhaman Jehová chu la tlan likatsi?».