KILATAMATKAN LA KSTALANINANIN CRISTO
Asambleas regionales kinkamaxkiyan talakaskin nalimasiyayaw tapaxkit
¿Tuku xlakata lu lipaxuwayaw asambleas regionales? Xlakata, xtachuna la kxamakgan Israel, tlan akxtum nakatamalankiyaw Jehová akglhuwa ciento chu asta lhuwa mil natalan. Chu ni kajwatiya makglhtinanaw lhuwa liwat xaʼespiritual, wata nachuna tlan akxtum katatawilayaw kiʼamigoskan chu kifamiliajkan. Lu xlakaskinka liʼakxilhaw umakgolh tamakxtumit chu lu liskujaw xlakata naʼanaw akgtutu kilhtamaku.
Akxni tamakxtumiyaw ni kaj kalilakpuwaw tuku tlan namakglhtinanaw, wata nachuna la tlan nakalimasiyaniyaw tapaxkit amakgapitsin (Gál 6:10; Heb 10:24, 25). Chu limasiyayaw pi kalilakgaputsayaw amakgapitsin akxni kajwatiya kamaʼakgataxtiyaw laktawilh nema namaklakaskinaw o akxni malakkiniyaw malakcha chatum tala (Flp 2:3, 4). Kʼasambleas na tlan nakatekgsaw xasasti amigos. ¿Tlan xtachuwinaw tiku ni lakgapasaw? Tlan chuna natlawayaw akxni nina tsuku, akxni sputnita programa o akxni nawayanaw (2Co 6:13). Putum kilhtamaku tlan nakatalalinaw umakgolh amigos. Akxni amakgapitsin naʼakxilhkgo pi xlikana lu lapaxkiyaw, max naskujnaniputunkgo Jehová (Jn 13:35).
AKXNI AKXILHNITATA NAWAN VIDEO ASAMBLEAS INTERNACIONALES «TAPAXKIT NIKXNI SPUTA», KAKGALHTI UMAKGOLH TAKGALHSKININ:
¿Tuku tlawakgolh natalan xlakata nakalimasiyanikgo tapaxkit tiku kilakgolh kʼasambleas internacionales xla kata 2019?
¿Tuku xlakata lu kaks malakawaninan chuna la makxtum wi xkachikin Jehová chu chuna la lalimasiyanikgo tapaxkit?
¿Tuku tlakg lichuwinankgolh Lakgkgolotsin tiku Pulalinankgo xlakata tapaxkit?
¿Tuku tlan xtlawa xlakata nalimasiyaya tapaxkit kʼasambleas?
¿La makxtum katlawalh tapaxkit natalan xalak Alemania chu Corea del Sur?
¿Tuku kililakkaxwilitkan natlawayaw?