TUKU LHUWA XTAPALH XALAK BIBLIA

Jehová lakkaxwili xkachikin

Akxni israelitas xtachokgokgo kxtijikan akgatutun tribus akxtum xtawilakgo (Nú 1:52, 53; w94-S 1/12 9 párr. 4).

Akxni xtlawamakgolh kxakaskakni tiyat max xʼanankgo liwaka 3 millones latamanin (Nú 2:32, 33; it-1-S 403 párr. 1).

Jehová lakaskin pi xkachikin liwana katalakkaxtawilalh xlakata nakakninani. Wa xlakata liwana lakkaxwililh kachikin Israel chu la uku nachuna tlawanit (1Co 14:33, 40).

Dibujo nema masiya la xwi campamento xalak Israel. Kxlakʼitat xwi tabernáculo. Lakatsu ktabernáculo wilakgolh familias xalak tribu xla Leví: xfamilia Aarón wi kʼeste, cohatitas wilakgolh ksur, guersonitas wilakgolh kʼoeste chu meraritas knorte. Atsinu tlakgx lakgamakgat wilakgolh 12 tribus xalak Israel: kʼeste wilakgolh Isacar, Judá chu Zabulón; kʼsur wilakgolh Gad, Rubén chu Simeón; kʼoeste wilakgolh Benjamín, Efraín chu Manasés, chu kʼnorte wilakgolh Neftalí, Dan chu Aser.

KALAKPUWANTI: «¿La tlan nakmakgtaya xliputum kinaku xkachikin Jehova?».