KILATAMATKAN LA KSTALANINANIN CRISTO
Kamachokgo tuku tlawaputuna
Xlakata kimputumkan makglakgalhinanin, putum kilhtamaku talakaskin naliskujaw xlakata namachokgoyaw tuku tlawaputunaw. Komo ni nakamachokgoyaw, max nalaktlawa chuna la talalinaw Jehová. Makgapitsi mastakgo talakaskin pi xlakata kgalhiputunkgo niku natawilakgo, liwat o xlhakgatkan tlakg xlakaskinka nalitaxtu nixawa tapaxkit nema kgalhinikgo Dios. Amakgapitsi tlawakgo talakgxtumit nema ni xlitlawatkan chu ni kuenta tlawakgo xlimapakgsin Jehová (Ro 1:26, 27). Chu na anankgo tiku tlawakgo tuku lakaskinkgo amakgapitsin kaj xlakata lakaskinkgo kakamakgamakglhtinanka (Éx 23:2).
¿La tlan namachokgoyaw tuku tlawaputunaw? Talakaskin lu naliskujaw xlakata tlakg xlakaskinka naliʼakxilhaw tuku xla kintakanajlakan (Mt 4:4). Na talakaskin natasaskiniyaw Jehová pi kakinkamakgtayan xlakata namachokgoyaw tuku tlawaputunaw. ¿Tuku xlakata? Xlakata xla katsi tuku tlakg tlan kimpalakatakan chu la tlan nakgalhiyaw tuku lakaskinaw (Sl 145:16).
AKXNI AKXILHNITATA NAWAN VIDEO NI KAMASTA TALAKASKIN PI LIXKULI NAMASPUTU MILATAMAT, KAKGALHTI UMAKGOLH TAKGALHSKININ:
¿Tuku xlakata makgapitsi latamanin xkulikgo?
¿Tuku max nakinkaʼakgspulayan komo naxkuliyaw?
¿Tuku xlakata nitlan xkulikan chu limaklakaskinkan cigarros electrónicos? (2Co 7:1).
¡Wix tlan namakgatlajaya chuna la xkuliputuna!
¿La tlan nalakgmakgana umakgolh nixatlan talismanin o la tlan nialh chuna natlawaya?