Jehová nikxni katipatsankgalh tuku tlawaya

Min kilhtamaku, max makgkatsiyaw pi tuku tlawayaw xpalakatakan amakgapitsin niti kuentajtlawa chu lakapala patsankgakan. Pero ¿la akxilha Jehová tuku tlawayaw xpalakata? Xla chatum Dios tiku lu paxtikatsininan, chu nikxni patsankga tuku tlawayaw xlakata naskujnaniyaw. Asta maski wix nialhla lhuwa tuku tlawaya xlakata tatatlaya, Jehová nikxni katimakgxtakgni (Heb 6:10).

AKXNI AKXILHNITATA NAWAN VIDEO JEHOVÁ NI PATSANKGA TUKU TLAWAYAW, KAKGALHTI UMAKGOLH TAKGALHSKININ:

• ¿Tuku tlawanit tala Hibshman xlakata lu naskujnani Jehová?

• ¿La limasiyanilh Jehová tala Hibshman pi ni makgxtakgli akxni nilh xpuskat chu akxni nialhla tuku lhuwa xtlawa xlakata xtatatla?

• ¿Tuku xlakata tlan nawanaw pi tala Hibshman lu paxuwanit xlakata skujnaninit Jehová putum kilhtamaku? (Pr 10:22).