29 XLA ABRIL ASTA 5 XLA MAYO
SALMOS 34, 35
Takilhtlin 10 chu oración | Tuku nalimatsukikan (1 min.)
1. «Nakmalanki Jehová putum kilhtamaku»
(10 min.)
David malankilh Jehová asta maski xkgalhi taʼakglhuwit (Sl 34:1; w07-S 1/3 22 párr. 11).
David xmalanki Jehová chu ni wa xlitatlanki tuku tlan xtlawa (Sl 34:2-4; w07-S 1/3 22 párr. 13).
Akxni David xmalanki Jehová, xkamatliwakglhni xtakanajlakan tiku xtalapulakgo (Sl 34:5; w07-S 1/3 23 párr. 15).
Akxni Jehová xlakgmaxtunita David kxmakan Akís, tiku na xwanikan Abimélec, 400 lakchixkuwin tiku xtakgalhikgo taʼakglhuwit Saúl lakgankgolh David kdesierto (1Sa 22:1, 2). Max David xkalilakpuwama umakgolh lakchixkuwin akxni lakkaxwililh uma salmo (Sl 34, tuku litsuku).
KALILAKPUWANTI: «Alimakgtum akxni wi tiku naktachuwinan ktamakxtumit, ¿tuku tlan xakwa nema xmalankilh Jehová?».
2. Kaputsaw kBiblia tuku lhuwa xtapalh
(10 min.)
Sl 35:19. ¿Tuku xwamputun David akxni skinilh Jehová pi ni xmastalh talakaskin pi xtalamakgasitsin xlakkimskgolh xlakgastapukan? (w06-S 15/5 20 párr. 2).
¿Tuku lhuwa xtapalh tekgsti ktakgalhtawakga xalak Biblia xla uma semana?
3. Natalikgalhtawakga
(4 min.) Lu 23:1-16 (th lección 5).
4. Kamatsuki takgalhchuwin
(2 min.) AKXNI WI TIKU NATATANOKGLHA. Takgalhchuwin kgalhsputa akxni nina litachuwinana Biblia (lmd takgalhtawakga 1 punto 4).
5. Kakalakgtaspitti latamanin
(4 min.) AKXNI WI TIKU NATATANOKGLHA. (lmd takgalhtawakga 2 punto 4).
6. Kalichuwinanti tuku kanajlaya
(5 min.) Kamatitaxti xaliʼakxilhtit. ijwfq 59-S. Tema: ¿Tuku kuenta tlawakgo xtatayananin Jehová akxni laksakkgo komo natlawakgo o ni natlawakgo akgtum fiesta? (th lección 17).
Takilhtlin 59
7. Pulaktutu la tlan namalankiyaw Jehová kkintamakxtumitkan
(15 min.): Kakalitakgalhchuwinanti congregación.
Ktamakxtumit tipalhuwa la tlan namalankiyaw Jehová. Kaʼakxilhwi pulaktutu.
Akxni kgalhchuwinanaw: Akxni katachuwinanaw amakgapitsin, kalichuwinaw la likatsi Jehová (Sl 145:1, 7). ¿Kgaxmatwi o likgalhtawakgaw pulaktum tuku kinkamakgtayan? ¿Wi tuku tlan kinkakitaxtunin akxni xlichuwinamaw Dios? ¿Wi tiku kinkalimatliwakglhni xtachuwin o tuku tlawalh kimpalakatakan? ¿Wi tuku lu kaks kinkamalakawanin xlakata tamalakatsukin? Putum uma xtamaskiwin Jehová (Snt 1:17). Komo sokg nachanaw kPukgalhtawakga tlan nalichuwinanaw putum uma.
Akxni mastayaw kintakgalhtinkan: Kaliskujwi namastayaw kintakgalhtinkan maski kaj makgtum kʼakgatunu tamakxtumit (Sl 26:12). Tlan namastayaw xatakgalhtin takgalhskinin nema tlawamaka o nalichuwinanaw atanu tuku min kpárrafo, akgtum texto, tuku min kdibujo o nawanaw la tlan nalilatamayaw tuku katsinimaw. Tlan nalakkaxwiliyaw tipalhuwa takgalhtin xlakata max amakgapitsin natalan na nachaxkgo xmakankan akxni akinin nakgalhtinamputunaw. Kalakapastakwi pi komo kintakgalhtinkan kaj 30 segundos namakgapala, amakgapitsin natalan na tlan namalankikgo Jehová (Heb 13:15).
Akxni kilhtliyaw: Xatapaxuwan kakilhtliw xlakata namalankiyaw Dios (Sl 147:1). Max nila ankgalhin katimastaw kintakgalhtinkan kʼakgatunu tamakxtumit, liwaka komo wilakgo lhuwa natalan. Pero ankgalhin tlan nakilhtliyaw. Asta maski max lakpuwanaw pi nitlan kilhtliyaw, Jehová lu napaxuwa komo lu naliskujaw (2Co 8:12). Chu tlan chuna natlawayaw komo nalitsakgsayaw nakilhtliyaw kkinchikkan.
Kawili VIDEO Lata makgasa asta la uku: Takilhtlin nema malankikgo Jehová (pulaktum). Alistalh kakgalhskininanti:
¿La limasiyanitaw pi lu xlakaskinka liʼakxilhaw nalimalankiyaw Jehová takilhtlin lata lakatsukulh xkachikin xala uku?
8. Takgalhtawakga nema takilhtinit kBiblia kcongregación
(30 min.) bt cap. 9 párrs. 1-7, tuku litsuku sección 3 chu recuadro xla página 70.