22-28 XLA JULIO

SALMOS 66-68

Takilhtlin 7 chu oración | Tuku nalimatsukikan (1 min.)

TUKU LHUWA XTAPALH XALAK BIBLIA

1. Jehová lin kintakukakan chali chali

(10 min.)

Jehová kgaxmata kiʼoracioneskan chu kinkakgalhtiyan (Sl 66:19; w23.05 12 párr. 15).

Jehová lu kuenta katlawa lakglimaxkgenin chu kamaxki tuku maklakaskinkgo (Sl 68:5; w10-S 1/12 23 párr. 6; w09-S 1/4 31 párr. 1).

Jehová chali chali kinkamakgtayayan (Sl 68:19; w23.01 19 párr. 17).

Dibujos niku tasiya la chatum tala puskat makglhuwa tlawa oración. 1. Akxni aku takinit, tlawama oración kxputama. 2. Katatlawama oración xkamanan akxni xlakan nina ankgo k’escuela. 3. Tlawama oración kxtaskujut.

TUKU TLAN NALILAKPUWANAW: ¿Tuku kilitlawatkan xlakata namakamaxkiyaw Jehová kintakukakan?

2. Kaputsaw kBiblia tuku lhuwa xtapalh

(10 min.)

Sl 68:18. ¿Tiku litaxtukgolh «la akgtum tasikulunalin» kxamakgan Israel? (w06-S 1/6 10 párr. 4).

Mintakgalhtin
¿Tuku lhuwa xtapalh tekgsti ktakgalhtawakga xalak Biblia xla uma semana?

Mintakgalhtin

3. Natalikgalhtawakga

(4 min.) Hch 5:27-42 (th lección 11).

TLAKG LIWANA KAMAKGALHTAWAKGENAW

4. Kamatsuki takgalhchuwin

(3 min.) K’AKGATUNU CHIKI. Tiku tachuwinampat xalak alakatanu kachikin chu tanu xtalismanin (lmd takgalhtawakga 5 punto 3).

5. Kakalakgtaspitti latamanin

(4 min.) K’AKGATUNU CHIKI. Chuntiya kalitakgalhtawakga lataman tratado nema makgxtakgni akxni tachuwinanti (lmd takgalhtawakga 9 punto 3).

6. Kakamakgtaya latamanin kstalaninanin Jesús nawankgo

(5 min.) lff takgalhtawakga 15 tuku litsuku chu puntos 1-3 (th lección 8).

KILATAMATKAN LA KSTALANINANIN CRISTO

Takilhtlin 102

7. Kamakgtaya tiku lu tsinka makgkatsi xtakuka

(15 min.): Kakalitakgalhchuwinanti congregación.

Akxni kgalhiyaw lhuwa taʼakglhuwit, ni kiʼakstukan kalimputuw takuka nema kgalhiyaw (2Cr 20:15; Sl 127:1). Jehová ankgalhin kinkamakgtayayan (Is 41:10). ¿La tlawa? Maklakaskin xTachuwin chu xkachikin xlakata nakinkapulalinan (Is 48:17). Na kinkalimakgtayayan xʼespíritu santo (Lu 11:13). Nachuna, kamaklakaskin kinatalankan xlakata nakinkamatliwakglhan chu nakinkamakgtayayan (2Co 7:6). Kalilakpuwaw, Jehová tlan nakinkamaklakaskinan xlakata namakgtaya chatum tala tiku lu tsinka xtakuka.

Tuku tasiya kvideo «Kalalimasiyaniw kcongregación tapaxkit nema nikxni sputa: Tiku linkgoya kata». Tala Paulina Sántiz Gómez lakalitsinit chu ya kxkilhtin xchik.

Kawili VIDEO Kalalimasiyaniw kcongregación tapaxkit nema nikxni sputa: Tiku linkgoya kata. Alistalh kakgalhskininanti:

¿La tlan namakgtayaya chatum tala tiku lina kata xlakata nialh lu tsinka namakgkatsi xtakuka?

Mintakgalhtin

Tuku tasiya kvideo «Kalalimasiyaniw kcongregación tapaxkit nema nikxni sputa: Tiku putum kilhtamaku skujnanimakgolh Jehová». Joseph chu Anita DeVito akxtum lichuwinamakgo Dios.

Kawili VIDEO Kalalimasiyaniw kcongregación tapaxkit nema nikxni sputa: Tiku putum kilhtamaku skujnanimakgolh Jehová. Alistalh kakgalhskininanti:

¿La tlan namakgtayaya chatum tala tiku putum kilhtamaku skujnanima Jehová xlakata nialh lu tsinka namakgkatsi xtakuka?

Mintakgalhtin

Tuku tasiya kvideo «Kalalimasiyaniw kcongregación tapaxkit nema nikxni sputa: Tiku xalak alakatanu kachikin». Bill chu Maggie Zeng lakalitsinkgonit chu limakgalhtawakgenamakgo Biblia.

Kawili VIDEO Kalalimasiyaniw kcongregación tapaxkit nema nikxni sputa: Tiku xalak alakatanu kachikin. Alistalh kakgalhskininanti:

¿La tlan namakgtayaya chatum tala tiku titaxtuma tuku tuwa xlakata nialh lu tsinka namakgkatsi xtakuka?

Mintakgalhtin

8. Takgalhtawakga nema takilhtinit kBiblia kcongregación

(30 min.) bt cap. 13 párrs. 1-7, tuku litsuku sección 5 chu recuadro xla página 103.