«Katsinilh kgalhakgaxmatnan»

Jesús ankgalhin kgalhakgaxmatnit Jehová (Juan 8:29). Komo chuna, ¿tuku xlakata Biblia wan pi «katsinilh kgalhakgaxmatnan xpalakata tuku lipatinalh»? (Heb. 5:8).

Akxni Jesús kilatamachi kKatiyatni, titaxtulh tuku nikxni xtitaxtunit kʼakgapun. Kalakapastakwi pi talakaskilh xkakgalhakgaxmatli xnatlatni tiku makglakgalhinanin xwankgonit maski xpaxkikgo Jehová (Luc. 2:51). Xpulalinanin takanajla chu mapakgsinanin tiku lixkajni xlikatsikgo makgapatinankgolh (Mat. 26:59; Mar. 15:15). Nachuna, “taktujulh chu kgalhakgaxmatninalh asta akxni makgnika” maski lu makgapatinanka (Filip. 2:8).

Tuku titaxtulh Jesús kKatiyatni makgtayalh nalimasiya pi xkgalhakgaxmatnan chuna la nikxni xtlawanit. Uma makgtayalh xlakata tlan Mapakgsina xlitaxtulh chu chatum tlan sacerdote tiku liwana kinkaʼakgatekgsniyan (Heb. 4:15; 5:9). Jesús tlakg xlakaskinka litaxtulh kxlakatin Jehová chu tlakg lhuwa tuku lakgayawalh xlakata katsinilh nakgalhakgaxmatnan xpalakata tuku lipatinalh. Komo akinin na nakgalhakgaxmatnanaw maski natitaxtuyaw tuku tuwa, na tlakg xlakaskinka nalitaxtuyaw kxlakatin Jehová chu tlan nakinkalakgayawakanan kaxatukawa taskujut (Sant. 1:4).