Xtatayananin Jehová, ¿akgtum secta xalak Estados Unidos?

Niku pulalinkan taskujut xlikalanka katiyatni wi kʼEstados Unidos. Pero ni akgtum secta xalak Estados Unidos. Unu talichuwinan tuku xlakata.

• Makgapitsi wankgo pi secta wa tiku makgxtakgkgo akgtum takanajla nema talakkaxwilinit. Xtatayananin Jehová ni taxtukgolh kʼatanu takanajla. Wata liskujnitaw xlakata natatlawa chuna la xtlawakgo kstalaninanin Cristo kxapulana siglo.

• Wilakgolh xtatayananin Jehová kliwaka akgtiy ciento puxamakaw países chu territorios. Chu maski tanu tanu niku wilaw wa tapakgsiniyaw Jehová chu Jesucristo, chu ni mapakgsina xalak Estados Unidos o atanu kachikin (Juan 15:19; 17:15, 16).

• Kanajlayaw tuku masiya Biblia chu ni wa tuku wan chatum pulalina xla takanajla xalak Estados Unidos (1 Tesalonicenses 2:13).

• Kstalaniyaw Jesús chu ni chatum chixku (Mateo 23:8-10).