Takgalhtawakga 8
Tukuntla xlitawilat akgtum familia nema makgapaxaway Dios
¿Tuku limakgxtakgkanit xachixku kʼakgtum familia? (1)
¿Tukuntla xlikuentajtlawat chixku xpuskat? (2)
¿Tuku lakgatayay xatlat? (3)
¿Tuku lakgaya xapuskat anta kfamilia? (4)
¿Tuku kaskini Dios xalak tlat chu lakkamanan? (5)
¿Tuku wan Biblia xlakata tiku lamakgxtakgkgoy chu tiku laktlawakgoy tamakgaxtokgat? (6, 7)
1. Biblia wan pi xachixku wa napulalin kʼakgtum familia (1 Corintios 11:3). Chixku kaj chatum puskat xlikgalhit, chu xlitamakgaxtokgat kpumapakgsin (1 Timoteo 3:2; Tito 3:1).
2. Xachixku xlipaxkit xpuskat chuna la xla paxkikan. Chuna la Jesús kakuentajtlaway kstalaninanin (Efesios 5:25, 28, 29). Nikxni nawaniy tuku nitlan chu nikxni nanika. Tlan kalikatsilh, ni xliʼakxilhat lakomo nitu xlilaka (Colosenses 3:19; 1 Pedro 3:7).
3. Xatlat lhuwa xliskujat xlakata tlan namakgtakgalha xfamilia. Xlimaxkit tuku naway, xlhakgat, chu niku nalitawilay xpuskat chu xkamanan. Na xlimasiyanit xlakata Dios xfamilia (1 Timoteo 5:8). Nalipulaniy xfamilia nakatsikgoy xlakata Dios chu kakamasiyanilh tuku Dios wanit (Deuteronomio 6:4-9; Efesios 6:4). ʼakgslokgokgoyatit mpala makgasitsiyatit milakgskgatankan, chi wampi kaj lakatsukuj kaks namamakgxtakgakgoyatit, nitu natlawakgoy, chu na namasiyunikgoyatit ntu xatlan xtachuna lantla xtalakaskin nkimPuchinakan».
4. Xapuskat xatlan xmakgtayana xchixku xliwanat (Génesis 2:18). Xlimakgtayat xchixku xlakata nakamasiyaniy xkamanankan (Proverbios 1:8). Jiova lakaskin pi xapuskat kakapaxkilh xfamilia akxni kakuentajtlaway (Proverbios 31:10, 15, 26, 27; Tito 2:4, 5). Xapuskat lu xlikana xlilakgachixkuwilit xchixku (Efesios 5:22, 23, 33).
5. Dios skin pi lakkamanan nakgalhakgaxmatkgoy xtlatkan (Efesios 6:1-3). Dios lakaskin pi xalak tlatni nakamasiyaniy xlakata Dios xkamanan chu kakastakyawalh. Xalak tlatni xlimaxtutkan kilhtamaku xlakata akxtum nalititaxtukgoy kilhtamaku chu nakatakgalhtawakgay Biblia xkamanan, nakuentajtlaway xtakglhuwit xnakujkan chu nakamasiyani xlakata Dios (Deuteronomio 11:18, 19; Proverbios 22:6, 15). Akxni nakastakyawayatit chu nakamatsajatit min kaman ni natlawayatit lakomo ni lakgalhamananatit (Colosenses 3:21).
6. Akxni xapuskat chu xachixku kgalhikgoy taʼakglhuwit xlakata nitlan talalin, tlakg tlan natlawanikgoy kuenta xtastakyaw Biblia. Biblia kinkawaniyan nalapaxkiyaw chu nalatapatiyaw (Colosenses 3:12-14). XTachiwin Dios ni wan nalalimakgxtakgkan kaj aktsu taʼakglhuwit. Pero xapuskat tlan namakgxtakga xchixku komo 1) nikxni mastay tuku maklakaskin xfamilia, 2) komo chixku snun lixkajni xtayat chu max namatatatliy chu naniy o 3) xapuskat na tlan namakgxtakga xchixku komo snun nikxni maxki talakaskin nakakninaniy Jiova (1 Corintios 7:12, 13).
7. Tiku latatamakgaxtokgnit ni nalakgskgawiy. Tiku tatalakgxtumiy tiku ni xpuskat o ni xchixku tlawama akgtum talakgalhin kxlakatin Dios chu xlakatin tiku tamakgaxtokga (Hebreos 13:4). ʼakgti versión wan: «Xlipaks wanti puchuwakgoy wantu akgstitum kalatapatit, chu nitu timaxkajwaliyatit mi latamatkan xampi Dios naliskinikgoy kuenta xlipaks wanti xakgatlikgoy atanu puskat, usu chixku maski aya puchuwakgoy, nachuna xlipaks wanti kaj xman lixkajnit lipaxuwakgoy wantu kgalhikgoy kxtiyatliwakan». Akxni chatum tatalakgxtumiy atunu nema ni xpuskat o ni xchixku, kaj wa tama xlakata Biblia kinkawaniyan pi tlan nalaktlawakgoy tamakgaxtokgat chu natamakgaxtokgparay amakgtum (Mateo 19:6-9; Romanos 7:2, 3). Jiova ni akxilhputun tiku laktlawakgoy tamakgaxtokgat chu tatamakgaxtokgparay atanu komo ni xlakata la wi kBiblia chuna la akxilhwi (Malaquías 2:14-16; 1 Corintios 7:10).
[Dibujos xla página 17]
Dios lakaskin pi xalak tlatni kakastakyawakgolh chu kakamatsajkgolh xkamanan
[Dibujo xla página 17]
Xatlat wantiku xapaxkina kamaxkiy xfamilia tuku maklakaskinkgoy chu nakamasini xlakata Dios