Takgalhtawakga 10

Talismanin nema Dios xkajniy

¿Tukuntla naʼakxilhaw tuku Dios wan pi nitlan? (1)

¿Tukuya talakgxtumit xalak makni snun nitlan? (2)

¿Tukuntla xliʼakxilhatkan kstalaninanin Cristo taʼakgsanin? (3) ¿Takgaman xlakata tumin? (3) ¿Chu takgalhan? (3) ¿Chu tiku ni machokgoy xtasitsi? (4) ¿Chu taskuwan? (5) ¿Chu takgachin? (6)

¿La tlan namakgxtakga umakgolh tuku nitlan? (7)

1. Xkakninanin Dios paxkikgoy wantuku xatlan, nachuna xlismanitkan naxkajnikgoy wantuku nitlan (Salmo 97:10). Uma wamputun pi ni natlawayaw makgapitsi talismanin nema Dios ni akxilhputun. ¿Tukuya tama talismanin ni natlawayaw?

2. Talakgalhin xalimaxana xla makni: Tiku latatalakgxtumiy chu ninajtu a latatamakgaxtokga, tiku laʼakgskgawi chu tiku tatalakgxtumiy animales chu tiku tatalakgxtumiy xfamilia chu ni xpuskat chu tiku tatalakgxtumiy tiku xtachixku o xtapuskat umakgolh laklanka talakgalhin xlakatin Dios (Levítico 18:6; Romanos 1:26, 27; 1 Corintios 6:9, 10). Komo chatum chixku chu chatum puskat akxtum wilakgolh chu nitu latatamakgaxtokgnit kxlakatin mapakgsinanin, xlalimakgxtakgatkan o kalatatamakgaxtokgli xlakatin mapakgsinanin (Hebreos 13:4). ʼakxilhatkan kstalaninanin Cristo taʼakgsanin, takgaman xlakata tumin chu takgalhan?

3. Takgsanin, takgaman xlakata tumin, takgalhan: Jiova ni akgsaninan (Tito 1:2). Wa xlakata wantiku lakaskinkgoy nakapaxkiy Dios ni nakgsaninankgoy (Proverbios 6:16-19; Colosenses 3: 9, 10). Takgaman xlakata tumin tlakg litsinksnikgoy tumin. Wa xlakata tiku kstalaninanin Cristo ni makgkgamanankgoy baraja xlakata nalitlajakgoy tumin chu atanu takgaman nema litlajakan tumin (Efesios 5:3-5). Ni kgalhanankgoy chu ni tamawakgoy tuku katsikgoy pi xatakgalha chu ni linkgoy tuku achatum xla komo nitu skinit (Éxodo 20:15; Efesios 4: 28). ʼakxilhkgoy kstalaninanin Cristo tasitsi?

4. Tiku tsala sitsiy, tiku ni machokgoy xtasitsi: Tiku ni machokgoy xtasitsi nalin natlaway tuku nitlan (Génesis 4:5-8; Santiago 1:19, 20). Kristianos tiku chuna xtayat ni la xʼamigo Dios nawan (Salmo 11:5; Proverbios 22:24, 25). Nitlan namalakgaxokgeyaw komo wi tiku nitlan nakinkatlawaniyan (Proverbios 24:29; Romanos 12:17-21). ʼakxilhatkan kstalaninanin Cristo taskuwan?

5. Taskuwan: Makgapitsi kristianos katasaniy espíritus xlakata nakamakgtayay namapaksay tipalhuwa tajatat. Makgapitsi kaskuway tiku talamakgasitsi xlakata namatatatlikgoy o namakgnikgoy. Uma tuku tlawakgoy Satanás kamatlawi. Wa xlakata kstalaninanin Cristo nitsinu xlitlawatkan uma (Deuteronomio 18:9-13; Apocalipsis 21:8). Wantuku tlan nakinkamakgtayayan xlakata ni nakinkalakgchanan taskuwan, lakatsu natawilaniyaw Jiova (Proverbios 18:10; Salmo 91:14).

6. Takgachin: Komo kaj aktsu nawakan vino o cerveza o atanu nema likgachikan nitu wamputun (Salmo 104:15; 1 Timoteo 5:23). Pero Dios nitlan akxilha takgachitat chu tiku lhuwa kgota (1 Corintios 5:11, 13; 1 Timoteo 3:8). Tiku lhuwa kgota nalikgalhiy tajatat chu nalakglakgalhiy xfamilia. Chu nikaj watiya, tlakg ni tuwa natuwasa natlaway tuku nitlan (Proverbios 23:20, 21, 29-35).

7. Kristianos tiku tlawakgoy katuwa tuku Dios wan pi nitlan «ni namakgamakglhtinankgoy xTamapakgsin Dios» (Gálatas 5:19-21, NM). Komo lu xlikana paxkiya Jiova, nalay namakgxtakga umakgolh katuwa talismanin (1 Juan 5:3). Kakatsini nalismaniya naxkajniya tuku Dios wan pi nitlan (Romanos 12:9). Katalalipinkgo tiku tlan lilamakgolh la Dios lakaskin (Proverbios 13:20). Tiku katsikgoya la xatlan lilatamakan wa tlan nakinkamakgtayakgoyan (Santiago 5:14). Chu tuku tlakg xlakaskinka kalakapastakti, Dios namakgtayayan komo natlawaya oración (Filipenses 4:6, 7, 13).

[Dibujos xla página 20]

Dios ni akxilhputun takgachitat, takgalhan, takgaman xlakata tumin chu tiku ni machokgoy xtasitsi