Takgalhtawakga 15
Kamakgtayaw amakgapitsi natlawakgoy xtalakaskin Dios
¿Tuku xlakata nalixakgalhiya amakgapitsi tuku katsinipat? (1)
¿Tiku tlan nakamasiyaniya xasasti xalakwan? (2)
¿Min tayat tuku nakamatlawiy amakgapitsi? (2)
¿Tuku kilhtamaku xtatayananin Jiova namaxkikgoyan talakaskin natapinkgoya lichiwinana xlakata xTamapakgsin Dios? (3)
1. Wix lhuwata tuku katsinitta tuku xalak Biblia. Uma tuku katsipat xlimakgtayan tsinu tsinu nawana la kstalanina Cristo (Efesios 4:22-24). Nikajwatiya tama, uma tuku katsipat snun xlakaskinka xlakata namakglhtinana latamat nema nikatikgalhilh xlisputni (Juan 17:3). Pero mintakristiano na xlikgaxmatat xasasti xalakwan xlakata nalakgtaxtuy. Putum xaxlikana kstalaninanin Cristo xlimakatsinitkan. Uma xtamapakgsin Dios (Romanos 10:10; 1 Corintios 9:16; 1 Timoteo 4:16). ʼakstu lakgtaxtuya, chu na namalakgtaxtikgoya wanti nakgaxmatnikgoyan».
2. Pulana tlan nakalitakgalhchiwinana tiku lakgapasa xlakata xalakwan tuku katsitilhapat. Kakawanikgo mi familia, chu mi amigos, tiku akxtum tapina kescuela chu tiku akxtum taskujkgoya. Akxni nalixakgalhikgoya nawanikgoya xatlan tachiwin chu ni nasitsiya (2 Timoteo 2:24, 25). Kalakapastakti pi kristianos tlakg akxilhkgoy kintayatkan chu ni wantuku lichiwinanaw. Wa xlakata xatlan mintayat nakgalhiya namakgtayanan xlakata amakgapitsi nakgaxmatnikgoyan tamakatsin nema kalixakgalhiya (Mateo 5:16; 1 Pedro 3:1, 2, 16). ʼakgapun».
3. Nachan kilhtamaku akxni max namatlaniya tuku taskin xlakata namatsukiya nakatamakglichiwinana xtatayananin Jiova xlakata xTamapakgsin Dios anta niku wix makgtamakxtupiya. Uma xlakaskinka xlakata ni kajchuna natamakgxtakga (Mateo 24:14). ¡Snun tlan xwa komo wintiku xmakgtaya xlakata kskujni Jiova xwa chu chuna tlan namakglhtinan latamat nema nikatikgalhilh xlisputni! (1 Tesalonicenses 2:19, 20.)