Takgalhtawakga 16

Komo wix skujnaniputuna Dios

¿Tuku militlawat xlakata xʼamigo Dios nawana? (1, 2)

¿La tlan natamakamastaniya Dios? (1)

¿Tuku militlawat pulana chu aku tlan natamunuya? (2)

¿Niku natiyaya litliwakga xlakata nikxni namakgxtakga Dios? (3)

1. Xlakata tlan xʼamigo Dios nawana, lhuwa milikatsit xlakata tuku xaxlikana xalak Biblia (1 Timoteo 2:3, 4), nakanajlaya tuku katsinipat (Hebreos 11:6), kalimasiya pi nitlan limakgkatsiya xlakata mintalekgalhin (Hechos 17:30, 31) chu nialh chuna nalilatapaya lakomo pulana xtlawaya (Hechos 3:19). ʼakgti edición wan: «Wa xpalakata kkaliwaniyan, katalakgaspittayatit, chu kalakgpalitit xalixkajni min talakapastaknikan, lakimpi tlan natalakatsuwiniyatit Dios chu xla tlan nakaxapaniyan xlipaks min talakgalhinkan. Lapi wixin chuna natlawayatit, Dios nakamakaminiyan takgtsiyajni kmilatamatkan». Chu akxni, mintapaxkit nema kgalhiniya Jiova namalakpuwaniyan natamakamastaniya. Uma wamputun natlawaniya Jiova akgtum oración mi akstu chu niku niti wi chu waniya pi tamakamastanipat xlakata natlawaya xtalakaskin (Mateo 22:37; 2 Corintios 5:15).

2. Akxni katsiyata xlakata xTachiwin Dios chu tamakamastaninitata tlantiya natamunuya (Mateo 28:19, 20). Wa tamunut limasiyay kxlakatin amakgapitsi pi wix tamakamastaninitata Jiova. Wa xlakata kaj watiya tamunukgoy tiku makakchankgoya kata akxni tlantiya xakstu lakapastaka naskujnaniputun Dios. Akxni tamunuy chatum kristiano chatuminika xlitsankgat kchuchut kaj tsinua (Marcos 1:9, 10; Hechos 8:36).

3. Akxni tamakamastaninitata, Jiova lakaskin pi wix nalilatapaya chuna  la waninita (Salmo 50:14; Eclesiastés 5:4, 5). Wa Diablo nalitsakgsay pi wix nialh naskujnaniya Jiova (1 Pedro 5:8). Pero katalakatsuwini Jiova kʼoración (Filipenses 4:6, 7). Chali chali kalikgalhtawakga xTachiwin (Salmo 1:1-3). Ni kamakgxtakgti, katatamakxtumikgo congregación (Hebreos 13:17). ʼakgti edición wan: «Kit kkawaniyan pi paks kakalhakgaxpatkgotit wantu kalimapakgsiyan wanti minapuxkukan, xampi xlakan chali chali kuintaj katlawanitan kumu katsikgoy pi Dios natatlawakgoy kuenta kaj xpalakata xtaskujutkan. Pus wantu lipaxuw kakakgalhakgaxpatkgotit, chu ni kaj katalatlawakgotit; lapi chuna pus namakgalipuwankgoyatit, xawa lhuwa nitlan katikakitaxtunin xampi na chuna natalipuwaniyatit». Komo chuna natlawaya nakgalhiya litliwakga xlakata ni namakgxtakga Dios. Chu nikxni katimakgxtakgti natlawaya tuku Dios kinkaskiniyan.

[Notas nema wilakgo kpágina]