Torre xla Babel

Akxni xtitaxtunita Munkaklat, xkamanan Noé kgalhikgolh lhuwa kamanan. Stakkgolh xfamiliajkan, chu kaniwa ankgolh latamakgo kxlikalanka katiyatni, chuna la xkalimapakgsinit Jehová.

Pero makgapitsi familias ni kgalhakgaxmatkgolh Jehová. Xlakan wankgolh: “Katamakgxtakgwi unu chu katlawaw akgtum torre nema nachan asta kʼakgapun. Chuna lhuwa nakinkalakgapaskanan”.

Jehová ni lakgatilh tuku xtlawamakgolh, wa xlakata kamachokgolh. ¿Katsiya la tlawalh? Kaj xalan kalakgpalinilh xtachuwinkan. Latamanin mapakuwikgolh uma kachikin Babel, nema wamputun “ni laʼakgatekgsnikan”. Xlakata nialh xlaʼakgatekgsnikgo, nialh tlawakgolh torre chu taxtukgolh kʼuma kachikin xlakata naʼankgo latamakgo alakatanu. Pero chuntiya tlawakgolh tuku nitlan anta niku ankgolh. ¿Lakpuwana wix pi xwijku tiku xpaxki Jehová? Naʼakxilhaw kʼatanu capítulo.