Tuku litsuku sección 10

Jehová wa xMapakgsina putum tuku anan. Putum kilhtamaku katsi tuku natlawa chu ni katitalakgpalilh. Akgtum liʼakxilhtit, lakgmaxtulh Jeremías xlakata ni xnilh kʼakgtum pozo. Kalakgmaxtulh Sadrac, Mesac chu Abednego xlakata ni klhkukgolh, chu makgtayalh Daniel xlakata ni xwakgolh leones. Jehová na makgtayalh Ester xlakata xlakgmaxtulh xkachikin. Ni katimastalh talakaskin pi tuku nitlan putum kilhtamaku naʼanan. Tuku xlichuwinankanit xlakata imagen chu xlakata xalanka kiwi kinkamasiyaniyan pi xTamapakgsin Jehová nialh makgas namasputu tuku nitlan chu namapakgsinan xlikalanka katiyatni.