KAMATSUKI TAKGALHCHUWIN
TAKGALHTAWAKGA 6
Ni kapekuanti
Tastakyaw xalak Biblia: «Ni xpekuankgo akxni xlichuwinankgo xtachuwin Dios» (Hech. 4:31).
Tuku tlawalh Jesús
1. Kaʼakxilhti VIDEO o kalikgalhtawakga Lucas 19:1-7. Alistalh kalilakpuwanti umakgolh takgalhskinin:
1. ¿Tuku max xlakata makgapitsi latamanin ni xtalalinkgo Zaqueo?
2. Maski chuna, ¿tuku makgpuwantinilh Jesús nalitachuwinan Dios?
¿Tuku kinkamasiyaniyan tuku tlawalh Jesús?
2. Talakaskin ni napekuanaw xlakata tlan nakalitachuwinanaw Dios putum latamanin.
Katlawa chuna la Jesús
3. Kalipawanti Jehová. Xʼespíritu Dios maxkilh Jesús litliwakga xlakata xlichuwinalh xalaktlan tamakatsinin chu Dios na nakinkamaxkiyan xʼespíritu (Mat. 10:19, 20; Luc. 4:18). Kaskini Jehová pi kamakgtayan xlakata ni napekuana chu nakalitachuwinana xalaktlan tamakatsinin latamanin tiku max ni katachuwinamputuna (Hech. 4:29).
4. Kakalitachuwinanti Dios putum latamanin. Min kilhtamaku tuwa makgkatsiyaw nakalitachuwinanaw latamanin xalaktlan tamakatsinin kaj xlakata la tasiyakgo, komo kgalhikgo lhuwa tumin, la linkgo xlatamatkan o xlakata tuku kanajlakgo. Pero kalakapastakti:
Jehová chu Jesús tlan akxilhkgo tuku wi kxnakujkan latamanin, akinin nila chuna tlawayaw.
Putum tlan nalitamakgtayakgo xtalakgalhaman Jehová.
5. Ni kapekuanti pero skgalala kawanti (Mat. 10:16). Kalimasiya kakni chu ni kakatataʼakglhuwi latamanin. Komo chatum lataman ni kgaxmatputun o komo makgkatsiya pi kalipekua wi milatamat, xatapaxuwan kamakgalhsputu takgalhchuwin chu kapit (Prov. 17:14).