Kakgalhkgalhinanti

Tuku tlawalh Jesús

VIDEO: Jesús limasiyalh pi xkgalhkgalhinan akxni makgtayalh xtala

1. Kaʼakxilhti VIDEO o kalikgalhtawakga Juan 7:​3-5 chu 1 Corintios 15:​3, 4, 7. Alistalh kalilakpuwanti umakgolh takgalhskinin:

1. 1. ¿La xlikatsikgo xnatalan Jesús xapulana?

2. 2. ¿Tuku likatsiyaw pi Jesús nikxni lakpuwa pi xtala, Santiago, nikxni x’ama talakgpali?

¿Tuku kinkamasiyaniyan tuku tlawalh Jesús?

2. Makgapitsi latamanin ni tunkun makgamakglhtinankgo xalaktlan tamakatsinin, wa xlakata talakaskin nakgalhkgalhinanaw.

Katlawa chuna la Jesús

3. Atanu tuku katlawa. Komo tiku tachuwinampat ni tunkun makgamakglhtinan akgtum takgalhtawakga xalak Biblia, ni kamafuerzajlini. Pero komo matlaniya, kalimaklakaskinti videos o artículos xlakata namasiyaniya la limakgalhtawakgenanaw Biblia chu la nalitamakgtaya komo namakgamakglhtinan akgtum takgalhtawakga.

4. Ni kalakpuwanti pi latamanin lakxtum. Kalakapastakti pi latamanin tanu tanu tuku lakpuwankgo chu tanu tanu likatsikgo. Komo chatum mintalilakgapasni o chatum lataman ni makgamakglhtinamputun akgtum takgalhtawakga xalak Biblia o ni makgamakglhtinamputun pulaktum tuku masiya Biblia, kalilakpuwanti tuku xlakata. ¿Max ni lakgmakgamputun xtakanajla uma lataman? ¿Max chatum tiku xalak xfamilia o chatum xtalakatsu wanima pi ni kakinkatakgalhtawakgan? Kamaxki talakaskin xlakata nalilakpuwan tuku likgalhchuwinantit chu xtapalh natsuku li’akxilha tuku masiya Biblia.

5. Kalitachuwinanti Jehová xlakata tiku lakgapaxialhnampat. Kaskini Jehová pi kamakgtayan ni nalakpuwana pi lataman nikxni katitalakgpalilh chu kamakgtayan nalimasiyaya kakni. Na kaskini pi kamakgtayan nakatsiya tukuya kilhtamaku talakaskin nialh nalakgapaxialhnana tiku ni katsiputun tuku wan Biblia (1 Cor. 9:26).