KAKALAKGTASPITTI LATAMANIN
TAKGALHTAWAKGAN 9
Kamakgkatsi tuku makgkatsikgo amakgapitsin
Tastakyaw xalak Biblia: «Kakatapaxuwatit tiku paxuwamakgo; kakatatasatit tiku tasamakgo» (Rom. 12:15).
Tuku tlawalh Jesús
1. Kaʼakxilhti VIDEO o kalikgalhtawakga Marcos 6:30-34. Alistalh kalilakpuwanti umakgolh takgalhskinin:
1. ¿Tuku xlakata Jesús chu xʼapóstoles xʼamputunkgo «niku tlan xʼakstukan xtawilakgolh»?
2. ¿Tuku xlakata Jesús kalitachuwinamputulh latamanin xtachuwin Dios?
¿Tuku kinkamasiyaniyan tuku tlawalh Jesús?
2. Akxni limasiyayaw pi na makgkatsiyaw tuku makgkatsikgo latamanin, kalilakgaputsayaw chu ni kajwatiya kalitachuwinanaw Dios.
Katlawa chuna la Jesús
3. Kaks kakgaxpatti. Akxni tiku tachuwinampat waniman tuku lakpuwan, wix ni kachuwinanti. Komo wi tuku nawaniyan xlakata ni kgaxmatniputunan o natsukuyan litachuwinanan tuku makgkatsi chu tuku lilakgaputsa, kaks kakgaxpatni. Komo nakgaxpatniya, xla naʼakxilha pi xlikana lilakgaputsaya tuku lakpuwan.
4. Kalilakpuwanti tiku tachuwinampat. Kalakapastakti tuku lichuwinantit chu kalilakpuwanti:
1. «¿Tuku xlakata xlikatsit xaxlikana?».
2. «¿La namakgtaya la uku chu kkilhtamaku nema aku mima komo nalikgalhtawakga Biblia?».
5. Kalitachuwinanti tuku nalitamakgtaya. Tunkun kamasiyani pi komo nalikgalhtawakga Biblia natekgsa xatakgalhtin xtakgalhskinin chu pulaklhuwa la nalitamakgtaya.