KAKAMAKGTAYA LATAMANIN KSTALANINANIN JESÚS NAWANKGO
TAKGALHTAWAKGA 10
Kamakgantaxti tuku litaya
Tastakyaw xalak Biblia: «Tapaxuwan kkalitachuwinan xatlan xtamakatsinin Dios chu kmastaw kilatamatkan xlakata nakkamakgtayayan» (1 Tes. 2:8).
Tuku tlawalh Jesús
1. Kaʼakxilhti VIDEO o kalikgalhtawakga Juan 3:1, 2. Alistalh kalilakpuwanti umakgolh takgalhskinin:
1. ¿Tuku xlakata max Nicodemo lakgtalakatsuwilh Jesús katsisni? (Kalikgalhtawakga Juan 12:42, 43).
2. ¿La limasiyalh Jesús pi lu xlakaskinka xliʼakxilha nakamasiyani latamanin?
¿Tuku kinkamasiyaniyan tuku tlawalh Jesús?
2. Xlakata kapaxkiyaw latamanin, lu xlakaskinka liʼakxilhaw nakamakgtayayaw xlakata kstalaninanin Jesús nawankgo.
Katlawa chuna la Jesús
3. Kamakgalhtawakge lataman hora chu niku xla namatlani. ¿Anan akgtum kilhtamaku o akgtum hora nema tlakg matlani? ¿Niku tlakg lakgati nakgalhtawakga: kxtaskujut, kxchik o alakatanu? Kaliskujti namakgalhtawakgeya akxni xla matlani.
4. Kaliskujti xlakata tiku makgalhtawakgepat ankgalhin nakgalhtawakga. Komo nila katilakgpi, ni kawani pi ni katikgalhtawakgatit. Max tlan natlawaya uma:
1. Kamakgalhtawakge atanu kilhtamaku watiya uma semana.
2. Kamakgalhtawakge kteléfono o kvideoconferencia.
3. Kaskini atanu tala pi kamakgalhtawakgelh.
5. Katlawani oración Jehová xlakata nakgalhiya tlan talakapastakni. Kaskini Jehová pi kamakgtayan ni nalitlakgwana tiku makgalhtawakgepat. Uma lu xlakaskinka liwaka akxni tiku kgalhtawakgama ni ankgalhin kgalhtawakga o tuwa makgkatsi namakgantaxti tuku katsinima (Filip. 2:13). Kaskini Jehová pi kamakgtayan wa naʼakxilha xalaktlan tayat nema kgalhi tiku makgalhtawakgepat. ¡Max lhuwa xatlan tayat kgalhi!
NA KAʼAKXILHTI
Prov. 3:27; Hech. 20:35; 2 Cor. 12:15