Tuku xlikatsitkan tiku na’ankgo ktamakxtumit

KAXWILINANIN. Xlakan wilakgolh xlakata namakgtayakgoyan. Katlawa tuku nawanikgoyan kaxwilinanin xlakata la nakaxwiliya mimputlaw, niku tlan natlawana, la tlan namakgataxtiya laktawilh chu atanu.

TAMUNUT. Tiku natamunukgo nakamakgataxtinikan laktawilh kxlakatin plataforma. Xlitawilatkan niku kamakgataxtinikanit akxni nina tsuku taʼakgchuwin xla tamunut, sábado tsisa. Talakaskin naliminkgo maktum toalla chu klhakgatkan nema nalimaklakaskinkgo akxni natamunukgo.

TUMIN NEMA XATAPAXUWAN MASTAKAN. Lhuwa tumin talaktlawa xlakata natekgskan tlan laktawilh, liwana natakgaxmata chu tlan natasiya videos, chu tipalhuwa tuku natalakaskin xlakata tlan nalipaxuwayaw asamblea chu tlakg natalakatsuwiniyaw Jehová. Mintumin makgtayanan naxokgokan tuku tamaklakaskin chu nachuna la talichuwinama Dios xlikalanka katiyatni. Niku tatlawa laklanka tamakxtumit kawilikan cajas xlakata tlan namujuya mintumin. Na tlan namastaya ksitio donate.jw.org. ¡Lu kkapaxtikatsiniyan! Lakgkgolotsin tiku Pulalinankgo kapaxtikatsinikgoyan xlakata xatapaxuwan mastayatit mintuminkan xlakata chuntiya natlawakan xtaskujut Dios.

PRIMEROS AUXILIOS. Uma departamento lakkaxwilikanit xlakata nakamakgtayakan tiku kaj lakapala wi tuku lanikgo.

TUKU MAKGATSANKGAKAN. Komo wi tuku natekgsa, kalipi kDepartamento de Objetos Perdidos. Komo wi tuku makgatsankga, anta kapit putsaya. Na kakalipi laktsu kamanan tiku tsankgakgonit. Pero kʼuma departamento ni kaj kakuentajtlawakan laktsu kamanan. Wa xlakata, katlawa litlan kakakuentajtlawa minkamanan chu nipara puntsu kakamakgxtakgti.

LAKTAWILH. Kkaskiniyan pi kakalilakgaputsa amakgapitsin. Kalakapastakti pi tlan nakamakgataxtiniya laktawilh tiku xalak mifamilia, tiku akxtum katapina kputlaw, tiku wilakgolh kminchik o tiku kamakgalhtawakgepat. Nitu kawili klaktawilh nema ni katimaklakaskinti.

XATAPAXUWAN MAKGTAYANANKAN. Komo makgtayanamputuna ktaskujut nema tatlawa kʼasamblea, kapit kDepartamento de Información y Servicio Voluntario.

Lakkaxwilikgonit Lakgkgolotsin tiku Pulalinkgo xtatayananin Jehová