TAKGALHSKININ XLAKATA BIBLIA
¿La kinkamakgtayanitan xlakata nilh Jesús?
Akxni Dios katlawalh latamanin xlakaskin pi putum kilhtamaku xlatamakgolh kKatiyatni, ni xʼanalh tajatat chu linin. Pero Adán ni kgalhakgaxmatli Dios wa xlakata nialh maxkika tuku xwanikanit. Xlakata putum akinin xkamanan Adán, wa xlakata niyaw (Romanos 5:8, 12; 6:23). Jehová, Dios tiku xaxlikana, malakgachalh xKgawasa kKatiyatni xlakata xnilh kimpalakatakan chu tlan xkgalhiw tuku makgatsankgalh xapulana chixku. (Kalikgalhtawakga Juan 3:16.)
Jesús nilh kimpalakatakan xlakata tlan xlatamaw putum kilhtamaku kKatiyatni. ¿La lakpuwana pi nawan uma latamat nema ni kgalhi xlisputni?
Xlakata Jesús nilh xpalakata kintalakgalhinkan, tlan kinkatapatikanan chu tlan nakgalhiyaw latamat nema ni kgalhi xlisputni kKatiyatni. Biblia kinkamalakpuwaniyan la nawan latamat akxni niti katikgololh, niti katitatatlalh chu niti katinilh. (Kalikgalhtawakga Isaías 25:8; 33:24 chu Apocalipsis [Revelación] 21:4, 5.)
¿La kililakapastakatkan akxni nilh Jesús?
Katsisni akxni nina xniy, Jesús kawanilh kstalaninanin pi xlakapastakkgolh chu ni lhuwa tuku xtlawakgolh. Tlawakan uma kata kata kinkamakgtayayan xlakata nalilakapastakaw la xlilhuwa kinkapaxkiyan Jesús chu Jehová. (Kalikgalhtawakga Lucas 22:19, 20 chu 1 Juan 4:9, 10.)