TAKGALHSKININ XLAKATA BIBLIA
¿Tuku xlakata tlawaka katiyatni?
Katiyatni tlawaka xlakata tlan xatapaxuwan nalatamakgo latamanin
Katiyatni kgalhi tuku tlawa pi tlan nalatamakan. Kgalhi lhuwa chuchut, nema lu maklakaskinkgo tiku lamakgolh. Chuna la wi xʼeje, la talakgspitma chu xʼórbita liwana lakkaxwilikanit, uma tlawa pi pupunu ni natacongelarli o nalakgsputa. Kgalhi atmósfera chu xcampo electromagnético nema makgtaya xlakata chichini nitu natlawani tuku nitlan. Asta animales chu kiwi akxtum xkujkgo. Akxni akxilhaw putum uma, lhuwa latamanin liwana lakpuwankgonit pi Katiyatni tlawaka xlakata wi tu nalimaklakaskinkan. (Kalikgalhtawakga Isaías 45:18.)
Wa xlakata makgapitsi kakgalhskinkan komo tapatin chu tiku tlawakgo ni xaʼakgstitum nema lhuwa anan uku wa uma tuku xlakaskin Dios. (Kalikgalhtawakga Deuteronomio 32:4, 5.)
¿Nakgantaxtu tuku xlakata tlawakanit katiyatni?
Katiyatni tlawaka xlakata tlan xatapaxuwan nalatamakgo latamanin, chu xlamaxkikgolh kakni chu xpaxkikgolh xMalakatsukinakan. Uma wamputun pi latamanin wi tuku xlakata katlawaka, ni tatalakxtumi kiwi chu animales. Akinin liwana akgatekgsaw tiku kiMalakatsukinakan chu tlan akxilhaw chu lhkaxtuyaw xtapaxkit chu xʼakgstitum. (Kalikgalhtawakga Eclesiastés 12:13 chu Miqueas 6:8.)
Malakatsukina makgantaxti putum tuku lakaskin, wa xlakata tlan nawanaw pi namasputu tapatin chu tuku ni xaʼakgstitum, natlawa pi Katiyatni nawan la akgtum chiki niku latamanin xatapaxuwan nalatamakgo. (Kalikgalhtawakga Salmo 37:11, 29 chu Isaías 55:11.)