¿Tuku wan Biblia?
¿Tuku ama o tiku Akgskgawini?
¿XWANTI PI Akgskgawini wa . . .
... chatum espíritu?
... litaxtu tuku nitlan linaw kkimpulaknikan?
... tuku wi kkintalakapastaknikan?
¿TUKU WAN BIBLIA?
Akgskgawini tachuwinalh Jesús chu xtlawaputun pi ni xkgalhakgaxmatnalh (Mateo 4:1-4). Wa xlakata wanaw pi ni kaj kkintalakapastaknikan wi. Xlikana lama chu lu lixkajni likatsi.
¿TUKU ATANU WAN BIBLIA?
Wan pi Akgskgawini chatum ángel xwanit chu tlan xlikatsi, pero «ni tamakgxtakgli kxaxlikana» (Juan 8:44, TNM). Akgsanina litaxtulh chu ni kgalhakgaxmatli Dios.
Makgapitsi ángeles na tatayakgolh Satanás (Apocalipsis [Revelación] 12:9).
Akgskgawini kamalakpuwani latamanin pi xla nitu lama (2 Corintios 4:4).
¿Akgskgawini tlan wi tuku kamatlawi latamanin?
MAKGAPITSI LATAMANIN LAKPUWANKGO pi kaj akgtum cuento chu amakgapitsin lu pekuanikgo nakalaktanu demonios. ¿Tuku lakpuwana wix?
¿TUKU WAN BIBLIA?
«Putum kakilhtamaku wa akgchipanit tiku lixkajni likatsi» (1 Juan 5:19, TNM). Akgskgawini wa kamatlawi tuku nitlan tlawakgo latamanin, pero nila putum kamapakgsi latamanin.
¿TUKU ATANU WAN BIBLIA?
Wan pi Akgskgawini limaklakaskin taʼakgsanin xlakata tlakg nakaʼakgchipa latamanin (2 Corintios 11:14).
Min kilhtamaku, demonios tlan wi tuku kamatlawi latamanin (Mateo 12:22).
Xlakata xtamakgtay Dios, wix tlan nalakgapaxtokga Akgskgawini chu ni namastaya talakaskin naʼakgchipayan (Santiago 4:7).