«Tiku tlan likatsikgo wa nakamaxkikan Katiyatni»
Lhuwa akinin akxilhnitaw pi tlawakan tuku ni xaʼakgstitum chu tiku tlan likatsikgo katlawanikan tuku nitlan.¿Namin kilhtamaku akxni nialh na’anan tuku ni xaʼakgstitum chu tuku nitlan?
Biblia kgalhti uma takgalhskinin chu kinkawaniyan tuku kilitlawatkan. Kaʼakxilhti la Salmo 37 kakgalhti umakgolh lu xlakaskinka takgalhskinin:
¿Tuku kilitlawatkan akxni wi tiku nitlan kinkalikatsiniyan? (versículo 1 chu 2).
¿Tuku nakaʼakgspula tiku nitlan likatsikgo? (versículo 10).
¿Tuku takgalhkgalhin kgalhikgo tiku tlan likatsikgo? (versículo 11 chu 29).
¿Tuku kilitlawatkan la uku? (versículo 34).
Tuku Dios matsokgninalh kSalmo 37 liwana wan pi tiku “lipawan Jehová chu tlawan kxtiji” lu tlan nakitaxtuni. Xtatayananin Jehová xatapaxuwan namakgtayakgoyan nalikgalhtawakgaya Biblia chu namasiyanikgoyan tuku militlawat xlakata wix chu mifamilia nalipaxuwakgo kilhtamaku nema aku mima.