La tlan nawanaw akxni namakgpitsiyaw revistas
® 1 xla marzo
Pulana kalikgalhtawakga Éxodo 20:15. Alistalh kawani: «Lhuwa latamanin liskujkgo xlakata ni nakgalhanankgo. Pero wi tiku lakpuwan pi namin kilhtamaku tlan nakgalhananaw o naʼakgsaninanaw. ¿La lakpuwana wix? [Kamaxki talakaskin nakgalhtinan.] Uma revista kpágina 12 lichuwinan tuku tlan kitaxtu akxni xliputum kilhtamaku ni kgalhananaw».
Marzo
«Maski wilakgojku lhuwa latamanin tiku maxkikgo kakni Biblia, lakpuwankgo pi ni putum tuku wan limakwan. ¿Tuku lakpuwana wix? [Kamaxki talakaskin nakgalhtinan. Alistalh kalikgalhtawakga Romanos 15:4.] Uma revista kpágina 28 lichuwinan tuku xlakata chuntiyaku makgtayanan textos xalak Biblia nema makgasa tsokgkanit.»
® 1 xla abril
«Lhuwa latamanin wankgo pi Jesús wa tlakg xlakaskinka nema latamanit xliputum kilhtamaku. ¿Nachuna lakpuwana wix? [Kamaxki talakaskin nakgalhtinan.] Lhuwa tuku lichuwinankan xlakata Jesús, pero uma texto kinkamasiyaniyan tuku xlakata xlakaskinka nakatsiyaw tuku xaxlikana xlakata Jesús [kalikgalhtawakga Juan 17:3]. Komo katsiputuna tuku xlikana masiya Biblia xlakata Jesús chu tuku masiyalh, uma revista La Atalaya nema kajwatiya lichuwinan Jesús namakgtayayan.»
Abril
«¿Nixlikana pi ni akchan kilhtamaku xlakata tlan natlawaya putum tuku tlawaputuna? [Kamaxki talakaskin nakgalhtinan.] Klikgalhtawakganiputunan akgtum tastakyaw nema kamakgtayanit lhuwa latamanin [kalikgalhtawakga Filipenses 1:10]. Uma revista masta tastakyaw xlakata la tlakg tlan liwana namaklakaskina minkilhtamaku.»