Sampi lhmukukuta, na Iixkganata
1. ¿Tuku lu xlakaskinka taskujut tatlawama uku?
1 Akxni xtachuwinanita chatum puskat xalak Samaria, Jesús kawanilh kstalaninanin: «Kalakapitit, na kaukxilhtit nkapukuxtun, sampi lhmukukuta, na Iixkganatta» (Juan 4:35, 36). Chuna, xtsukumaka lichuwinankan xtachuwin Dios chu Jesús xkatsi pi uma taskujut xʼama tatlawa xlikalanka katiyatni. Maski uku wilacha kʼakgapun, Jesús chuntiya pulalima uma taskujut (Mat. 28:19, 20). ¿Tuku litasiya pi tlakg taliwakatilhama uma taskujut chuna la talakatsuwima xlisputni?
2. ¿Tuku limasiya pi tlakg taliwakama la lichuwinamaka Dios xlikalanka katiyatni?
2 Taskujut nema tatlawama xlikalanka katiyatni. Septiembre kata 2008 asta agosto kata 2009, 3.2% taliwakalh tiku lichuwinankgo Dios xlikalanka katiyatni. Chu kkachikinin niku ni mastakan talakaskin nalichuwinankan Dios 14% taliwakalh tiku lichuwinankgo Dios. Akgatunu papaʼ kamakgalhtawakgaka liwaka 7,619,000 uma tlakg liwaka nixawa tiku lichuwinankgo Dios chu liwaka itat millón taliwakalh tiku kamakgalhtawakgaka nixawa kata nema titaxtulh. Xlakata kaniwa stakma uma taskujut tlakg talakaskin misioneros tiku kilakgonit kʼescuela xla Galaad. Na talhuwima tiku chuwinankgo atanu tachuwin klhuwa kachikinin. Liwana tasiya pi wa Jehová tiku malakapalima uma taskujut, xlakata sputmaja (Isa. 60:22). ¿Lakpuwana pi niku lichuwinana Dios nataxtukgo tiku nakgalhtawakgaputunkgo?
3. ¿Tuku max nalakpuwankgo makgapitsi xlakata niku lichuwinankgo Dios?
3 Taskujut nema lama niku lichuwinana Dios. Max wi tiku nawan: «Chuna, pero niku klichuwinan Dios lhuwa tiku ni kgaxmatputunkgo». Chu xlikana, wilakgo niku lichuwinankan Dios ni lu anan tiku kgalhtawakgaputunkgo nixawa amakgapitsi, o ni chuna la xapulana, wa xlakata makgapitsi natalan lakpuwankgo pi sputlha taskujut chu awatiya nakaputsakan tiku akgataxtukgonit. Pero ¿xlikana uma?
4. ¿La kiliʼakxilhatkan xlakata lichuwinanaw Dios, chu tuku xlakata?
4 Lata matsukikan asta masputukan lhuwa taskujut tawila. Kaʼakxilhti la xlilakaskinka uma taskujut xlakata tuku wa Jesús: «Luwa xlikana wa lananat, luwa Ihuwa, wampi wa skujnin, luwa tsinu. Pus kaskinitit Iitlan malana wa nti xIa lananat, lakimpi namalakgachakgoy skujnin namakikgoy lananat» (Mat. 9:37, 38). Jehová, xMalana tachanan, wa katsi niku chu tukuya kilhtamaku namakgalanan (Juan 6:44; 1 Cor. 3:6-8). Chu akinin, ¿tuku kilitlawatkan? Biblia kinkawaniyan: «Lakatsisa kachanti mintalhtsi, chu asta kakgotanun chuntiya kaliskujti» (Ecl. 11:4-6). Chuna, akxni amaja sputa taskujut ni kilitaxlajwanitkan wata, ¡tlakg kiliskujatkan!
5. ¿Tuku xlakata chuntiya lipaxuw nalichuwinanaw Dios maski tasiya pi lhuwa tiku ni kgaxmatputunkgo?
5 Nina sputa taskujut. Maski niku lichuwinanaw Dios makglhuwata lakgatsalakanit chu tasiya pi nialhti kgaxmatputun, tlan lipaxuw nalichuwinanaw Dios chu namalakapaliyaw (2 Tim. 4:2). Xlakata lu katuwa wi kakilhtamaku tlawa pi latamanin nalakgpalikgo xtalakapastaknikan chu liwana nalakapastakkgo kilhtamaku nema aku mima. Lakgkgawasan kgalhiputunkgo takaksni kxtalakapastaknikan chu tlan tawilaputunkgo chuna la staktilhamakgo. Xlakata ni xlajwananaw kaks nakamalakawani amakgapitsi, chu tiku pulana ni xkgaxmatputunkgo, nakatsiputunkgo xlakata xtatayananin Jehová. Nachuna, na xlakaskinka nakamakatsiniyaw tiku ni kgaxmatputunkgo (Eze. 2:4, 5; 3:19).
6. ¿Tuku nakinkamakgtayayan xlakata chuntiya lipaxuw nalichuwinanaw Dios?
6 Komo niku lichuwinanaw Dios ni kgaxmatkgo, ¿tuku nakinkamakgtayayan chuntiya lipaxuw natlawayaw uma taskujut? Ni kajwatiya naʼanaw kʼakgatunu chiki, na tlan nalichuwinanaw niku stanankan o kteléfono. Chu tlan nalakgpalitilhayaw tuku wanaw chu chuna tanu tuku nakgaxmatkgo latamanin. O nalakgpaliyaw hora nema lichuwinanaw Dios chu kakgotanun naʼanaw o atanu hora niku tlan nakatekgsaw kxchikkan. Asta max na tlan nakatsiniyaw atanu tachuwin xlakata nakalitachuwinanaw xalakwan xalaksasti lhuwa latamanin. Komo precursor regular nawanaw, tlan namaliwakayaw kintaskujutkan. Atanu tuku tlan natlawayaw, naʼanaw niku ni lhuwa anan tiku lichuwinankgo Dios. Komo lu xlakaskinka naʼakxilhaw uma taskujut, tlakg namakgtayanamputunaw.
7. ¿Asta tukuya kilhtamaku nalichuwinanaw Dios?
7 Tiku chananankgo ni lhuwa kilhtamaku kgalhikgo xlakata namakikgo tuku makgalakgolh, wa xlakata ni kgalhikgo kilhtamaku xlakata najaxkgo o namachokgokgo xtaskujutkan. Nachuna, lu talakaskin lakapala nalichuwinanaw Dios. ¿Asta tukuya kilhtamaku natlawayaw uma taskujut? «Asta xaʼawatiya xkilhtamaku uma kakilhtamaku» chu asta akxni namin “lisputni” (Mat. 24:14; 28:20, NM). Chuna la tlawalh xapuxku kSkujni Jehová, masputuputunaw taskujut nema kinkalakgayawanitan (Juan 4:34; 17:4). Wa xlakata, chuntiya lhuwa kalichuwinaw Dios, lipaxuw katlawaw chu kalakpuwaw pi naʼanan tiku nakgaxmata asta akxni namin lisputni (Mat. 24:13). ¡Taskujut nina sputa!
[Blurb on page 2]
Lata matsukikan asta masputukan lhuwa taskujut tawila