Niku Mastakan Xtakgalhtin Akgtum Takgalhskinin

◼ ¿Xlitatlawat oración akxni wi tiku namakgalhtawakgeya kxkilhtin xchik?

Limatsukikan oración chu limasputukan oración kʼakgtum takgalhtawakga xalak Biblia lu tlan kitaxtu. Akxni tlawayaw oración, skiniyaw Jehová pi kakinkamaxkin xʼespíritu santo akxni makgalhtawakgananaw (Luc. 11:13). Nachuna, akxni chuna tlawayaw limasiyayaw pi lu xlakaskinka akxilhaw takgalhtawakga chu masiyaniyaw la natlawa xʼoración tiku makgalhtawakgamaw (Luc. 6:40). Wa xlakata akxni namasta talakaskin tunkun katatlawa oración. Xlakata talakgpali niku makgalhtawakgananaw, chatunu chatunu nalaksaka komo natatlawa oración tiku makgalhtawakgama kxkilhtin xchik.

Wantuku kiliʼakxilhatkan wa niku kgalhtawakgamaw. Komo ni makgxtakga takgalhtawakga tiku masiyanipat chu kaj miakstukan anta wilatit, tlan natatlawaya aktsu oración akxni namatsukiya chu akxni namakgalhsputiya takgalhtawakga. Pero komo takgaxmata tuku lichuwinampatit o nitlan katilimakgkatsilh tiku makgalhtawakgapat tlakg tlan nawan komo alistalh natlawayatit oración. Maski chuna o ni chuna, kuenta katlawaw akxni nakatatlawayaw oración tiku kamakgalhtawakgemaw (kaʼakxilhti Nuestro Ministerio del Reino xla marzo kata 2005 kpágina 4).