¿Liwana maklaskimpat tuku masiya Jehová?

1. ¿La akxilha Jehová xlakata kamasiyanikan xlakskujnin?

¹ «Tlakg xaLanka Makgalhtawakgena», Jehová, lu xlakaskinka akxilha tlan nakamasiyanikan xlakskujnin (Isa. 30:20). Akxni malakatsukilh xKgawasa wa xapulana Masiyanilh wa xkgawasa (Juan 8:28). Chu maski Adán xlakgalhinanita, Jehová chuntiya kamasiyanilh latamanin maski xkgalhikgo talakgalhin (Isa. 48:17, 18; 2 Tim. 3:14, 15).

2. ¿Tuku tatlawama la uku xlakata nakamasiyanikan xlakskujni Dios?

² La uku, Jehová kamasiyanima xlakskujnin chuna la nikxni xtatlawanit. Chuna la xlichuwinanit Isaías, lhuwa millón latamanin xlikalanka Katiyatni talakatsuwimakgolh «ksipi niku wi xchik Jehová» (Isa. 2:2). ¿Tuku xlakata talakatsuwimakgolh? Xlakata namakgamakglhtinankgo xtamasiyat Dios chu xlakata Jehová nakamasiyani (Isa. 2:3). Septiembre 2009 asta agosto 2010 xtatayananin Jehová limaklakaskinkgolh liwaka 1,600 millones horas xlakata lichuwinankgolh xtachuwin Dios chu tuku xaxlikana. Nachuna, akgatunu semana kʼakgtum ciento akgkitsis mil congregaciones xlikalanka katiyatni kamasiyanikan xlakata takanajla chu skujni xatalipaw chu xaskgalala tlawama likgalhtawakga liwaka akgkitsis ciento tachuwin.

3. ¿La makgtayanitan tuku Jehová masiya?

³ Liwana kamasiyanikanit. ¡La kinkamakgtayayan tuku masiya Biblia! Xlakata tuku wan katsiyaw pi Dios kgalhi tukuwani chu pi xla kinkapaxkiyan (Sal. 83:18; 1 Ped. 5:6, 7). Na kinkamaxkinitan xtakgalhtin lu xlakaskinka takgalhskinin la uma: ¿Tuku xlakata patinanaw chu niyaw? ¿La tlan natekgsaw xaxlikana tapaxuwan? ¿Tuku xlakata lamaw? Pero ni kajwatiya uma, Jehová kinkamasiyaninitan limapakgsin xlakata la nalinaw kilatamatkan chu umakgolh tlawakgo pi tlan nakitaxtu tuku natlawayaw (Jos. 1:8).

4. ¿Tuku escuelas kinkamaxkiyan Jehová chu tuku xlakata liwana nalimaklakaskinaw tuku masiyakan anta?

⁴ Jehová na kamasiyani makgapitsi xlakskujnin xlakata tlakg lhuwa nalichuwinankgo Dios. Kpáginas 4 asta 6 min akgtum lista xla escuelas wix tlan napina. Pero komo mi latamat ni maxkiyan talakaskin napina kʼakgtum escuela nema limin lista, ¿tlan xlimaklakaskinti tamasiyat xalak Biblia nema tlan makgamakglhtinana? ¿Chu lakgkgawasan? Lhuwa makgalhtawakgenanin chu atanu latamanin kawanikgo pi kaʼankgolh kʼuniversidad. ¿Kawaniyaw pi kalaksakgolh naskujnikgo Jehová chu kalitamakgtayakgolh tuku masiya o kawaniya pi kaʼankgolh kʼuniversidad? Komo liwana nalimaklakaskinaw tuku kinkamasiyaniyan Jehová nalipaxuwayaw uku chu kilhtamaku nema aku mima (Sal. 119:105; Juan 17:3).

Makgapitsi tuku limaklakaskin xkachikin Jehová xlakata nakamasiyani xlakskujnin

Niku masiyakan la tsokgnankan chu kgalhtawakgakan

• Tuku xlakata tatlawalh: Xlakata tiku naʼankgo nakatsinikgo kgalhtawakgakgo chu tsokgnankgo chu tlan nakgalhtawakgakgo Biblia chu nakamasiyanikgo amakgapitsin.

• La xlilhuwa makgapala: Chuna la namaklakaskinkgo tiku nakamasiyanikan.

• Niku tlawakan: Pukgalhtawakga xla xTatayananin Jehová.

• Tiku ankgo: Tiku lichuwinankgo Dios o tiku katsinima xlakata Dios.

• La tlan natanuya: Lakgkgolotsin xalak congregación, lakkaxwilikgo naʼanan clases komo maklakaskin congregación, kawanikgo putum tiku amputun.

Niku Masiyakan xlakata la Lichuwinankan Dios

• Tuku xlakata tatlawalh: Xlakata tiku lichuwinankgo Dios liwana nakatsinikgo masiyanikgo amakgapitsin.

• La xlilhuwa makgapala: Nikxni sputa.

• Niku tlawakan: Pukgalhtawakga xla xTatayananin Jehová.

• Tiku ankgo: Putum tiku lichuwinankgo Dios. Na kawanikan latamanin tiku tatamakxtumikgo congregación, chu kanajlakgo tuku masiya Biblia chu lilatamakgo tuku katsinikgonit.

• La tlan natanuya: Katachuwinanti tiku pulalin Niku Masiyakan xlakata la Lichuwinankan Dios.

Niku masiyakan tanu tachuwin

• Tuku xlakata tatlawalh: Kamasiyanikan tiku lichuwinankgo Dios tanu tachuwin xlakata tlan nakamasiyanikgo atanu latamanin.

• La xlilhuwa makgapala: Akgtati o akgkitsis papaʼ. Clases makgapalakgo akgtum o akgtiy hora chu atsinu ni putum congregaciones tlawakgo sábado tsisa.

• Niku tlawakan: Pukgalhtawakga xla xTatayananin Jehová nema lakatsu wi.

• Tiku ankgo: Putum tiku lichuwinankgo Dios chu kalilakgapaskan pi tlan likatsikgo chu katsiputunkgo tanu tachuwin xlakata nalichuwinankgo Dios.

• La tlan natanuya: Betel lakkaxwili namasiyakan tanu tachuwin akxni lu talakaskin.

Katlawakan Pukgalhtawakga xla xTatayananin Jehová

• Tuku xlakata tatlawalh: Xlakata natlawakan chu nakaxtlawakan Pukgalhtawakga xla xTatayananin Jehová. Maski ni akgtum escuela, kamasiyanikan tipalhuwa taskujut tiku ankgo skujkgo xlakata tlan namakgtayanankgo.

• La xlilhuwa makgapala: Chuna la nakgalhi kilhtamaku tiku makgtayanan.

• Niku tlawakan: Niku maxkikanit taskujut Comité Regional de Construcción. Nachuna, akxni wi tuku malakgsputunan la sen, un o atanu, kawanikan makgapitsi makgtayananin naʼankgo kachikinin niku talakaskin tamakgtay.

• Tuku skinkan: Lakgkgolotsin tiku pulalinkgo congregación nawankgo komo tlan naʼan chu tamununit nawan tiku amputun. Tlan naʼankgo lakgkgawasan o laktsuman, maski ni katsinikgo xlakata taskujut.

• La tlan natanuya: Kakaskini lakgkgolotsin xalak congregación formulario Cuestionario para trabajadores voluntarios en Salones del Reino (S-82-S) chu kamalakgatsama.

Escuela xla Precursores

• Tuku xlakata tatlawalh: Kamasiyaniputunkan precursores xlakata tlan “namakgantaxtikgo wa yuma ntaskujut wantu kalilaksakkanit” (2 Tim. 4:5).

• La xlilhuwa makgapala: Akgtiy semana.

• Niku tlawakan: Betel laksaka niku natatlawa, chu atsinu ni putum kilhtamaku tlawakan kPukgalhtawakga xla xTatayananin Jehová.

• Tuku skinkan: Talakaskin pi akgtum kata nalin la precursor regular.

• La tlan natanuya: Akxni makgatsikgo akgtum kata superintendente xla circuito nakamakatsini tiku naʼankgo uma kʼescuela.

Escuela nema kgalhikgo Xalaksasti Betelitas

• Tuku xlakata tatlawalh: Uma escuela tlawakanit xlakata nakamakgtaya xalaksasti betelitas tlan natlawakgo xtaskujutkan.

• La xlilhuwa makgapala: Akgtum hora akgatunu semana asta namakgatsikan akgkuchaxan semana.

• Niku tlawakan: Anta kBetel.

• Tuku skinkan: Talakaskin betelita nawana o akglhuwa papaʼ anta naskuja (akgtum kata o liwaka).

• La tlan natanuya: Betel kamakatsini tiku naʼan kʼuma escuela.

Escuela niku ankgo putum Lakgkgolotsin chu Siervos Ministeriales

• Tuku xlakata tatlawalh: Xlakata nakamasiyanikan lakgkgolotsin chu siervos ministeriales la tlakg tlan natlawakgo xtaskujutkan, la pulalinkan xkachikin Jehová chu la nakuentajtlawakgo congregación (Hech. 20:28). Uma escuela tlawakan chuna la lakkaxwilikgo Lakgkgolotsin tiku Pulalinkgo xTatayananin Jehová.

• La xlilhuwa makgapala: Nina lhuwa kata titaxtukgonit, akgtum kilhtamaku aitat ankgo lakgkgolotsin, chu siervos ministeriales kaj akgtum kilhtamaku.

• Niku tlawakan: Atsinu ni putum kilhtamaku tlawakan kPukgalhtawakga xla xTatayananin Jehová o Salón de Asambleas nema lakatsu wi.

• Tuku skinkan: Talakaskin kgolotsin o siervo ministerial nawana.

• La tlan natanuya: Superintendente xla circuito kawani tiku naʼankgo.

Escuela xla Lakgkgolotsin xalak Congregacióna

• Tuku xlakata tatlawalh: Xlakata nakamakgtayakan lakgkgolotsin namakgantaxtikgo xtaskujutkan kcongregación.

• La xlilhuwa makgapala: Akgkitsis kilhtamaku.

• Niku tlawakan: Betel laksakka niku natatlawa chu atsinu ni putum kilhtamaku tatlawa kPukgalhtawakga xla xTatayananin Jehová o Salón de Asambleas nema lakatsu wi.

• Tuku skinkan: Kgolotsin nawan.

• La tlan natanuya: Betel kawani tiku naʼankgo.

Escuela xla Superintendentes Viajantes chu xLakpuskatinkanb

• Tuku xlakata tatlawalh: Xlakata nakamakgtayakan Superintendentes xla circuito chu distrito nakatsikgo la tlakg tlan namakgtayakgo congregaciones “tlakg xaliwaka naʼakgchuwinankgoy, chu namakgalhtawakganankgoy” chu tlan nakapulalinkgo tiku kuenta tlawamakgolh (1 Tim. 5:17; 1 Ped. 5:2, 3).

• La xlilhuwa makgapala: Akgtiy papaʼ.

• Niku tlawakan: Betel laksaka niku natatlawa

• Tuku skinkan: Superintendente xla circuito o distrito nawana.

• La tlan natanuya: Betel kawani superintendentes chu xlakpuskatin.

Escuela niku kamasiyanikan xalak Biblia Lakchixkuwin tiku Ni tamakgaxtokgkgonitc

• Tuku xlakata tatlawalh: Kamasiyanikan lakgkgolotsin chu siervos ministeriales tiku ni tamakgaxtokgkgonit xlakata tlakg nakamaxkikan taskujut. Atsinu ni putum graduados kamalakgachakan antiya kxpaískan pero niku tlakg talakaskin tiku nalichuwinan Dios. Makgapitsi tlan nakamalakgachakan alakatanu kʼpaís komo xlakan matlanikgo.

• La xlilhuwa makgapala: Akgtiy papaʼ.

• Niku tlawakan: Betel laksaka niku natatlawa chu atsinu niputum kilhtamaku tlawakan kPukgalhtawakga xla xTatayananin Jehová o Salón de Asambleas nema lakatsu wi.

• Tuku skinkan: Talakaskin pi ni nakgalhiya mimpuskat, nakgalhiya 23 asta 62 kata chu ni natatatlaya chu nakamakgtayaputuna natalan chu xtaskujut Dios niku ni anan lhuwa tiku nalichuwinankgo Dios (Mar. 10:29, 30). Talakaskin pi akgtiy kata liskujpat nawan la kgolotsin xalak congregación o siervo ministerial.

• La tlan natanuya: Komo tlawakan uma escuela kminkachikin, akxni natawila lanka tamakxtumit xaʼakgtiy kilhtamaku natlawakan aktsu tamakxtumit niku nakawanikan tuku kaskinikan tiku amputun uma kʼescuela.

Escuela niku kamasiyanikan xalak Biblia tiku Tamakgaxtokgkgonitd

• Tuku xlakata tatlawalh: Xlakata nakamasiyanikan tiku tamakgaxtokgkgonit la tlakg liwana naskujnanikgo Jehová chu xkachikin. Atsinu ni putum tiku ankgo kʼuma escuela kamalakgachakan niku ni anan lhuwa tiku lichuwinankgo Dios anta kxpaískan. Max makgapitsi kamalakgachakan kʼatanu país komo matlanikgo.

• La xlilhuwa makgapala: Akgtiy papaʼ.

• Niku tlawakan: Xapulana cursos katlawamaka kCentro Educativo xla Watchtower, nema wi kPatterson (Nueva York). Alistalh kʼatanu kachikinin natlawakan chuna la nawan Betel chu natlawakan kPukgalhtawakga xla xTatayananin Jehová o kSalón de Asambleas.

• Tuku skinkan: Xlikgalhitkan 25 asta 50 kata, ni xatatatlanin nawankgo, akgtiy kata o liwaka liskujmakgolh nawan la precursores regulares chu nachuna nalimasiyakgo xtalakapastaknikan la Isaías tiku wa: «¡Unu kwi! Akit kimalakgacha» (Isa. 6:8). Nachuna talakaskin akgtiy kata tamakgaxtokgkgonit nawan chu tlan namakgtayanankgo niku tlakg talakaskin tamakgtay.

• La tlan natanuya: Komo tlawakan uma escuela kminkachikin, klanka tamakxtumit xaʼakgtum kilhtamaku kamamakxtumikan tiku amputunkgo xlakata tlakg nakawanikan tuku talakaskin.

Escuela Bíblica de Galaad xla Watchtower

• Tuku xlakata tatlawalh: Xlakata nakamakgtaya precursores chu atanu tiku skujnikgo Dios putum kilhtamaku, xlakata naʼankgo lichuwinankgo Dios kʼatanu país.

• La xlilhuwa makgapala: Akgkitsis papaʼ.

• Niku tlawakan: Centro Educativo xla Watchtower, nema wi kPatterson (Nueva York).

• Tuku skinkan: Akxni namalakgatsamakgo xapulana solicitud, xchatiykan akgtiy kata o liwaka xliskujtkan nawan la precursores regulares. Akgtutu kata tamunokgonita nawan, xlichuwinatkan inglés, akgtiy kata tamakgaxtokgkgonit nawan chu xlikgalhitkan 21 asta 38 kata. Na talakaskin pi xchatiykan ni lu natatatlakgo. Komo makgatsikgo putum uma, chu liskujmakgo la precursores kʼatanu país (nachuna tiku liskujmakgolh la misionero), superintendentes viajantes, betelitas, tiku kilakgonit Escuela niku kamasiyanikan xalak Biblia Lakchixkuwin tiku Ni tamakgaxtokgkgonit o Escuela de Entrenamiento Ministerial chu tiku kilakgonit kʼEscuela niku kamasiyanikan xalak Biblia tiku Tamakgaxtokgkgonit.

• La tlan natanuya: Akxni tatlawa xalaklanka tamakxtumit xaʼakgtutu kilhtamaku, kmakgapitsi países kamamakxtumikan tiku amputunkgo kʼuma escuela chu tlakg kawanikan tuku talakaskin. Pero komo kminkachikin ni tlawakan uma tamakxtumit chu wix pimputuna kʼuma escuela, tlan natsokgnana kBetel tiku pulalin taskujut niku wix lapat xlakata tlakg nakatsiya tuku talakaskin.

Escuela niku ankgo Tiku Pulalinkgo Betel chu xLakpuskatinkan

• Tuku xlakata tatlawalh: Xlakata kamakgtayaputunkan Tiku Pulalinkgo Betel xlakata tlakg tlan napulalinkgo taskujutkan nema lakgayakgo anta chu na tlan napulalinkgo taskujut xla congregaciones chu nakamakgtayakgo superintendentes xla circuito chu distritos, nachuna pulalin taskujut tuku tatlawa kdepartamentos xla traducción, impresión, niku kamalakgachakan publicaciones chu tuku tatlawa atanu departamentos (Luc. 12:48b).

• La xlilhuwa makgapala: Akgtiy papaʼ.

• Niku tlawakan: Centro Educativo xla Watchtower, nema wi kPatterson (Nueva York).

• Tuku skinkan: Na makgpulalin taskujut kBetel o Comité xla País o wanika pi anta naskuja.

• La tlan natanuya: Lakgkgolotsin tiku Pulalinkgo xTatayananin Jehová kawani natalan tiku naʼankgo chu xlakpuskatin.

[Notas nema wilakgo kpágina 6]