Atanu la tlan nakgaxmataw tatlakgni xla kintakilhtlinkan

Xlakskujnin Dios akxilhkgo tatlakgna la xtamaskiwin Dios (Sant. 1:17). Wa xlakata lhuwa congregaciones limaklakaskinkgo tatlakgni akxni nina tsuku chu akxni kgalhsputnita tamakxtumit. Akxni chanaw ktamakxtumit chu kgaxmataw uma tatlakgni skayaj makgkatsiyaw chu kinkamakgtayayan skgalalh natawilayaw akxni nakakninaniyaw Jehová. Nachuna akxni kgaxmataw tatlakgni nema limin xasasti kintakilhtlinkan nakinkamakgtayayan nakatsiniyaw tatlakgni chu tlakg tlan nakilhtliyaw. Akxni kgalhsputnita tamakxtumit, tatlakgni makgtayanan xlakata tlan nakatakgalhchuwinanaw kinatalankan chu nalamatliwakglhaw. Lakgkgolotsin xalak congregación nalimaklakaskinkgo grabaciones Cantemos a Jehová (acompañamiento de piano), pero kuenta natlawakgo ni lu pixlanka natakgaxmata xlakata natalanin tlan nakgalhchuwinankgo.