Okgxtiy tumin ni lu kgalhi xtapalh

Pulaktum la tlan makgtayananaw xTaskujut Dios wa akxni xatapaxuwan mastayaw tumin xlakata nalimasiyakan Biblia xlikalanka katiyatni. Pero ¿komo ni kgalhiyaw lhuwa tumin?

Akgtum kilhtamaku, Jesús akxilhli chatum puskat tiku nialh xkgalhi xchixku xmujuma okgxtiy tumin nema ni lu xkgalhikgo xtapalh, niku xwilikan tumin ktemplo. Tapaxkit nema xkgalhini Jehová tlawalh pi xmastalh «xtalimaxkgat, limujulh xlipaks wa ntu xkgalhi» (Mar. 12:41-44). Xlakata Jesús akxilhli tuku tlawalh masiya pi Jehová lu xlakaskinka akxilhli tuku mastalh. Atanu liʼakxilhtit nema na tlan nastalaniyaw wa tuku tlawakgolh kstalaninanin Cristo kxapulana siglo. Xlakan lu xlakaskinka xʼakxilhkgo namastakgo tumin maski xkgalhikgo o ni xkgalhikgo tumin. Akxni Pablo xlichuwinama macedonios wa pi maski «xlakan lu xtalimaxkgakgonit» wankgolh pi “xkamaxkilh talakaskin xlimakgtayanankgolh wantu xkgalhikgo” (2 Cor. 8:1-4; Hua Xasasti Talaccaxlan, 1999).

Maski ni lhuwa tumin namastayaw, kalakapastakwi pi akxni mastokgwilikan uma lhuwa wan. Akxni xatapaxuwan mastayaw, makgapaxuwayaw kinTlatikan xalak akgapun, tiku paxki «nti xlipaks xtapaxuwan limastay» (2 Cor. 9:7).