La tlan nawanaw akxni nalichuwinanaw Dios

La tlan nawanaw akxni natsukuyaw limakgalhtawakgananaw xapulana sábado xla abril

«Kkalakgapaxialhnamaw latamanin kkamaʼakgpuwantinimaw pi kalikgalhtawakgakgolh Biblia, pero lhuwa kinkawanikgoyan pi tuwa makgkatsikgo naʼakgatekgsnikgo. ¿Tuku lakpuwana wix? ¿Lakpuwana pi tuwa akgatekgsnikan? [Kamaxki talakaskin nakgalhtinan.] Kakxilhti tuku wan unu.» Kamasiyani artículo nema wi xaʼawatiya página xla Makatsinina 1 xla abril chu katalikgalhtawakga tuku lichuwinan xapulana takgalhskinin maski kaj akgtum texto. Kamalaknuni revista chu katalakkaxla nataspitparaya atanu kilhtamaku xlakata tlan naʼakxilhatit atanu takgalhskinin xla uma tema.

Makatsinina 1 xla abril

«Xlakata putum lhuwa taʼakglhuwit titaxtuyaw, wi tiku kakgalhskinkan komo tlan nalipaxuwayaw latamat. ¿Tuku lakpuwana wix pi tlakg tuwa tlawa nalipaxuwayaw latamat? [Kamaxki talakaskin nakgalhtinan.] Biblia wan pi Dios nialh makgas namasputu putum kintaʼakglhuwitkan [kalikgalhtawakga Apocalipsis (Revelación) 21:4]. Uma revista lichuwinan kilhtamaku nema aku mima chu la tlan napaxuwayaw kkilatamatkan la uku.»

¡Despertad! Abril

«Latlawanikan tuku nitlan kchiki wa tuku tlakg taliwakama kputum katiyatni. Wankan pi makgapitsi tuku tlawa chuna kalalh wa la kinkamakgastakkan, niku lamaw chu tuku lilakgastananaw. ¿Niku lakpuwana wix pi kilhtsuku uma taʼakglhuwit? [Kamaxki talakaskin nakgalhtinan.] Kakimaxki talakaskin nakmasiyaniyan tuku wan Biblia xlakata la nalalikatsinikgo tamakgaxtokgat [kalikgalhtawakga Efesios 5:33]. Uma revista limin tastakyaw xalak Biblia nema lu kamakgtayanit lhuwa tamakgaxtokgat.»