La tlan nawanaw akxni nalichuwinanaw Dios

La tlan nawanaw akxni natsukuyaw limakgalhtawakgananaw xapulana sábado xla octubre

«Kkalakgapaxialhnamaw kintalakatsujkan xlakata nakkalitachuwinanaw akgtum tlan tamapakgsin. ¿Lakpuwana pi natawila akgtum tamapakgsin nema nakamasputu latamanin tiku nitlan likatsikgo o tiku tlawakgo tuku ni xaʼakgstitum?». [Kamaxki talakaskin nakgalhtinan.] Kamalakapastaka pi kʼoración xla padrenuestro, Jesús kamasiyanilh kstalaninanin natlawakgo oración chu naskinkgo xmilh akgtum tamapakgsin, xTamapakgsin Dios. Alistalh kamasiyani xaʼawatiya página nema limin revista Makatsinina 1 xla octubre chu katalikgalhtawakga xapulana takgalhskinin chu kamasiyani maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.

Makatsinina 1 xla octubre

«Kkatachuwinamaw latamanin xlakata oración nema Jesús kamasiyanilh kstalaninanin. [Kalikgalhtawakga Mateo 6:9, 10.] ¿Litachuwinankanitata tuku xTamapakgsin Dios, chu tuku xlakata Jesús lu xlakaskinka xʼakxilha? [Kamaxki talakaskin nakgalhtinan.] Uma revista masiya tuku wan Biblia xlakata xTamapakgsin Dios chu tasikulunalin nema nalimin kKatiyatni.»

¡Despertad! Octubre

«Kkamakgtayamaw latamanin xlakata natekgskgo xtakgalhtin uma takgalhskinin. [Kamasiyani xmakni revista.] ¿Lakpuwana pi talakaskin nakgalhiya lhuwa tumin xlakata xatapaxuwan nalatapaya? [Kamaxki talakaskin nakgalhtinan.] Biblia lichuwinan la naʼakxilhkan lhuwa tuku kgalhikan. [Kalikgalhtawakga Lucas 12:15.] Uma revista takilhtinit kBiblia chu lichuwinan pi putum latamanin tlan nakgalhikgo tapaxuwan.»