Kalichuwinaw kintakanajlakan xlakata kata 1914
Xtachuwin Dios kinkawaniyan pi nakatsiyaw la nakgalhtinanaw xlakata kintakanajlakan «lakatitum, chu na takakswan nakakgalhtiyaw» (1 Ped. 3:15). Xlikana pi tuwa lichuwinankan makgapitsi nema wilakgolh kBiblia, akgtum liʼakxilhtit, akxni lichuwinankan pi xTamapakgsin Dios tsukulh mapakgsinan kata 1914. Xlakata tlan nalichuwinanaw, lakkaxwilikanit kpulaktiy artículos nema wanikan: «Akxni natachuwinankgoyan xtatayananin Jehová: ¿Tuku kilhtamaku tsukulh mapakgsinan xTamapakgsin Dios?». Umakgolh artículos minkgo krevistas Makatsinina nema kamaxkiyaw latamanin akxni nalichuwinanaw Dios octubre chu noviembre. Akxni nalikgalhtawakgaya kalakpuwanti umakgolh takgalhskinin xlakata la kgalhtinalh Julio takgalhskinin.
¿La...
... tlawalh xlakata nalitachuwinan tuku lakgati chu wanilh pi lu tlan tuku xtlawanit tiku xtachuwinama? (Hech. 17:22.)
... lichuwinalh xlakata xtakanajla pero ni limasiyalh pi tlakg xkatsi? (Hech. 14:15.)
¿Tuku xlakata tlan pi...
... akxni nina xlichuwinan apulaktu, pulana lichuwinampa tsinu tuku xmasiyaninita?
... lakgachunin xtlawani takgalhskinin xlakata xkatsilh komo xʼakgatekgsma Ernesto tuku xlitachuwinama?
... ni pulaklhuwa tuku litachuwinalh akxni lakgapaxialhnalh? (Juan 16:12.)
Lu paxtikatsiniyaw Jehová, «Xatlan Makgalhtawakgana», xlakata nakinkamakgtayayan tlan nakalitachuwinanaw xaxlikana tuku masiya Biblia tiku xlikana katsiputunkgo (Is. 30:20).