La natlawayaw xlakata nalimasiyayaw pi tlakg nalichuwinamputunaw Dios

Talakaskin nalimasiyayaw pi malakapalinitaw uma taskujut xlakata nalakgtaxtuyaw kʼuma kakilhtamaku, pero talakaskin naliskujaw. Akxni natlawayaw umakgolh tastakyaw namatliwakglhaw kintakanajlakan.

• Kaskinti pi kamilh xTamapakgsin Dios (Mat. 6:10).

• Chali chali kalikgalhtawakga Biblia xlakata nakuentajtlawaya minaku (Heb. 3:12).

• Liwana kalimaklakaskinti kilhtamaku (Efes. 5:15, 16; Filip. 1:10).

• Pulana kawili kmilatamat tuku xla Dios; ni kalakgatilakapi tuku xalak kakilhtamaku (Mat. 6:22, 25; 2 Tim. 4:10).

• Skgalalh katawila, xlakata la nakgantaxtu tuku lichuwinankgonit palakachuwinanin nema wi kBiblia (Mar. 13:35-37).

Akxni limasiyayaw pi malakapalimaw taskujut tlawa pi tlakg namakgtayananaw ktaskujut nema tsankga natatlawa (Juan 4:34, 35).