Kamaxkiw tuku kgalhiyaw «wantu xatlan» akxni wi tiku kinkalakgapaxialhnanan (Mat. 12:35a)

Xlikana kamaxkiputunaw amakgapitsin «wantu xatlan» nema kgalhiyaw, akxni chuna tlawayaw limasiyayaw pi «tlan nakamakgamakglhtinanaw» (Rom. 12:13). Lakgkglotsin tlan kakgalhskinkgo tiku milh masta taʼakgchuwin, komo wayamputun chu naxokgonikgo xpasaje. Max makgapitsi natalan ni waniputunkgo tiku milh masta taʼakgchuwin kaʼalh kxchikkan, xlakata lakpuwankgo pi ni lhuwa tuku kgalhikgo o xlakata lu lilakgaputsakgo. Komo chuna, kalakapastakti xtastakyaw Jesús nema maxkilh Marta (Luc. 10:39-42). Lichuwinalh pi liwat ni wa tuku tlakg xlakaskinka, nachuna, ni talakaskin lhuwa tuku nakgalhiyaw xlakata napaxuwayaw, tlakg xlakaskinka nalamatliwakglhaw akxni akxtum nakatatawilayaw kinatalankan. Tlawakan uma tastakyaw kinkamaxkiyan talakaskin nakamaxkiyaw «wantu xatlan» amakgapitsin chuna la kinkawanikanan kxTachuwin Dios (3 Juan 5-8).