Akxni lu lichuwinamputunaw Dios makgtayanan xlakata nakamakgpuwantiniyaw amakgapitsi

Hebreos 10:24 kinkawaniyan pi “kalalilakapastakwi, kalalimakgpuwantiniw nchatunu amakgapitsin ktapaxkit, chu kxalakwan tatlaw”. Kiliʼakxilhtitkan tlan nakamakgpuwantini amakgapitsin chu akxni limasiyayaw kintakanajlakan. Wa xlakata, komo wi tuku tlan kinkakitaxtuninitan akxni lichuwinanaw Dios kakalitachuwinaw natalan. Komo paxuwayaw akxni skujniyaw Jehová, katlawaw pi amakgapitsi kaʼakxilhkgolh pi paxuwayaw. Pero ni kakatatalakxtumiw chu na ni nakatamalakxtupiya amakgapitsin (Gál. 6:4). Kaliskujwi xlakata nakamakgpuwantiniyaw amakgapitsi «ktapaxkit, chu kxalakwan tatlaw», chu ni kaj nitlan kamamakgkatsiniputunaw xlakata natlawakgo tuku tlan (kaʼakxilhti libro Benefíciese, página 158, párrafo 4). Komo nakamakgpuwantiniyaw amakgapitsi ktapaxkit, kxalakwan tatlawaw, la akxni wi tuku kalimakgtayayaw amakgapitsi o lichuwinanaw Dios, putum kilhtamaku chuna natlawaputunaw (2 Cor. 1:24).