Liwana kalimaklakaskiw xlitliwakga Biblia akxni nalichuwinanaw Dios

Akxni chatum lataman kinkakgaxmatniyan akxni lichuwinanaw Dios likgalhtawakganiyaw textos xalak Biblia. ¿Tuku xlakata? Xlakata katsiyaw pi xTachuwin Dios kgalhi lhuwa litliwakga. Ktamakxtumit xaʼakgtum kilhtamaku xala katata talichuwinalh tuku xlakata xlakaskinka chuna natlawayaw anta ktaʼakgchuwin nema tamastalh «Liwana kalimaklakaskiw xlitliwakga Biblia akxni nalichuwinanaw Dios», nema mastalh superintendente de circuito. Kaʼakxilhparaw tuku tlakg xlakaskinka talichuwinalh.

• ¿Tuku xlakata xtachuwin Jehová tlakg kgalhi litliwakga nixawa kintachuwinkan? (2 Tim. 3:16, 17.)

• ¿Tuku xlakata wanaw pi Biblia wi tuku kamamakgkatsini, kalakgpalini xtalakapastaknikan, kaputsanani tuku lakpuwankgo chu kalakgpalini xtayatkan? (Kaʼakxilhti Makatsinina 1 xla junio kata 2012, página 30, párrafo 7.)

• Akxni nalikgalhtawakgayaw texto akxni lichuwinanaw Dios, ¿la natlawayaw xlakata latamanin namaxkikgo kakni Biblia? (Kaʼakxilhti libro Benefíciese, página 148, párrafos 3 chu 4, chu La Natlawayaw xTaskujut Dios xla marzo kata 2013, página 8, párrafo 8.)

• Akxni nalikgalhtawakgayaw akgtum texto, ¿tuku xlakata xlakaskinka nakawaniyaw latamanin tuku kilhchanima? ¿La natlawayaw? (Hech. 17:2, 3; kaʼakxilhti libro Benefíciese, página 154, párrafo 4, asta kpágina 156, párrafo 5.)