Umakgolh tachuwin natamakgxtakga kminaku

Tlan tamalakxtumiyaw natlatni la maputswayaninan. Chuna la chatum maputswayanina kuentajtlawa xborregos, natlatni talakaskin nakuentajtlawakgo xkamanan. Max wi tiku natsankga chu wi tuku nalani (Prov. 27:23). ¿La tlan natlatni nalitaxtukgo la maputswayananin? Lu xlakaskinka nalimaxtukgo kilhtamaku chali chali xlakata nakatachuwinankgo xkamanankan. Chuna tlan nakatsikgo tuku lakpuwankgo chu makgkatsikgo xkamanankan (Prov. 20:5). Nachuna nalimatliwakglhnikgo xtakanajlakan xkamanankan nitu tuku katilakxtlawalh (1 Cor. 3:10-15). Video Estas palabras tienen que estar en tu corazón wan tuku xlakata lu xlakaskinka ankgalhin nakakninanikan Dios kfamilia. Akxtum kaʼakxilhtit chu alistalh kakgalhti umakgolh takgalhskinin.

1) ¿Tuku xlakata xfamilia Román ni pulana xwilimakgo tuku xla Dios? 2) ¿Tuku xlakata tala Román nila katakgalhtawakgalh xfamilia akxni xlimakgtumku litsakgsalh? 3) Chuna la wan Biblia, ¿tuku makgtayanan xlakata tlan nakamakgastakkan kamanan? (Deut. 6:6, 7.) 4) ¿Tuku xlitatlawat xlakata tlakg nalatachuwinankan kfamilia? 5) ¿Tuku xlimakgxtakgatkan natlatni xlakata tlan nakakitaxtuni kamanan? 6) ¿La kamakgtayalh familia Vargas xfamilia Román? (Prov. 27:17.) 7) ¿La xlitlawatkan natlatni komo lakaskinkgo pi tlan kakitaxtulh akxni nakakninanikgo Dios kfamilia? 8) ¿Tuku tlawalh tala Román xlakata tlakg tlan xtawi xfamilia? 9) ¿Tuku xlakata putum kilhtamaku nakakninaniyaw Dios kfamilia? (Efes. 6:4.) 10) Kawanti makgapitsi tuku tlan natatlawa akxni kakninanikan Dios kfamilia. 11) Akxni Tomás tachuwinalh xapuxku xkgawasa xlakata lu xlakaskinka tlawakan tuku tlan, ¿tuku xlakata tlan kitaxtunilh pi liwana tachuwinalh, pero ni lakapala sitsilh? (Jer. 17:9.) 12) ¿La makgtayakgolh Tomás chu Mónica xtsumatkan xlakata liwana nakatsi tuku natlawa xlakata Justin? (Mar. 12:30; 2 Tim. 2:22.) 13) ¿Tuku xwanti xlakata Tomás chu Mónica limasiyakgolh takanajla akxni nialh lhuwa tuku kgalhiputunkan? (Mat. 6:33.) 14) ¿La kamakgtaya uma video natlatni xlakata nakakuentajtlawani xtakanajla xfamilia? (1 Tim. 5:8.) 15) ¿Tuku liwana xlilakkaxwilitkan tiku pulalinkgo xfamilia?

TUKU KAWANIKAN NATLATNI: Akxni tamatitaxtilh kdrama klanka tamakxtumit kata 2011, ¿liwana katsi pi la kakninaniya Dios kfamilia wi tuku tlakg tlan xtlawa? Alistalh akxni akxilhkgonitata uma video, ¿akxilhti tuku tlakg militlawat? Kaskini xtamakgtay Jehová xlakata tlan natlawaya tuku talakaskin xlakata nalakgmaxtuya mifamilia (Efes. 5:15-17).