Watchtower BIBLIOTECA KʼINTERNET

BIBLIOTECA KʼINTERNET

mwb16 abril pág. 3
Kakawani amakgapitsin lakwan tachuwin xlakata nakamatliwakglha

Tuku natalikgalhtawakga, Xlatamat chu xtaskujut kstalanina Cristo (2016)

mwb16 abril pág. 3

TUKU LHUWA XTAPALH XALAK BIBLIA | JOB 16-20

Kakawani amakgapitsin lakwan tachuwin xlakata nakamatliwakglha

Namatliwakglhnanaw akxni nastakyawananaw

16:4, 5

Job xlipuwama chu xlakgaputsama. Xlakaskin xmakgtayaka chu xmatliwakglhka.
Kgalhtutu xcompañeros ni wanikgolh Job tuku xmatliwakglhli. Wata nitlan tuku limawakakgolh nema tlakg makgalipuwa.

Tuku nitlan wa Bildad limakgasitsilh Job

19:2, 25

Job tasaskinilh Dios pi xmakgtayalh, maski xtalakaskilh pi xmakglhtilh xlatamat.
Job wa xlilakapastaka talakastakwanat chu wa makgtayalh natayani.

Elifaz xakgatlima Job chu Bildad chu Zofar akxilhmakgo

¿TIKU NITLAN TUKU LIMAWAKAKGOLH JOB?

Elifaz

Max xalak Temán, kʼEdom. Anta kJeremías 49:7 lichuwinankan Temán niku xwilakgolh tiku xalakgskgalalan xalak Edom.
Max wa tiku tlakg xlina kata chu tlakg xlakaskinka xlitaxtu tiku xlakgankgonit Job. Elifaz wa tiku pulana chuwinalh. Mastalh akgtutu takgalhchuwin chu wa nema tlakg laklhman.

¿Tuku nitlan limawakalh?

Wa pi Job ni xaʼakgstitum kskujnanima Dios chu pi Dios ni kalipawan xlakskujnin (Job 4, 5).
Wa pi Job ni xlakamaxanan chu nitlan xlikatsi, chu ni xmaxki kakni Dios (Job 15).
Wa pi Job lhuwa tuku xkgalhiputun chu ni akgstitum xlikatsi, chu liwana wa pi latamanin nitu kalimaklakaskin Dios (Job 22).

Bildad

Xalak xfamilia Súah. Max latamalh lakatsu kkgalhtuchokgo Éufrates.
Wa xlichatiy tiku chuwinalh. Xtakgalhchuwin ni laklhman xwanit pero tlakg nitlan xlimamakgkatsininan nixawa xla Elifaz.

¿Tuku nitlan limawakalh?

Wa pi xkamanan Job xlakgalhinankgonit chu xkalakgchan tuku kaʼakgspulalh, chu limasiyaputulh pi Job ni xkgalhini xatlan tapekua Dios (Job 8).
Wa pi Job lixkajni xlikatsi (Job 18).
Wa pi maski ni xmakgxtakgli Dios ni makgtayanan (Job 25).

Zofar

Xalak Naamá, max kxnoroeste Arabia.
Wa xlikgalhtutu tiku chuwinalh chu wa tiku tlakg nitlan tuku limawakalh. Kaj makgtiy chuwinalh.

¿Tuku nitlan limawakalh?

Limawakalh Job pi xaʼakgskgawina chu wanilh pi xmakgxtakgli tuku nitlan xtlawama (Job 11).
Wa pi Job lu nitlan xlikatsi chu xlipaxuwa talakgalhin (Job 20).