Kamaklakaskiw kilatamatkan xlakata namalankiyaw Jehová

Latamat akgtum tamaskiwin nema lu lanka xtapalh. La linaw kilatamatkan limasiya la xtapalh liʼakxilhaw. Putum xtatayananin Jehová liskujaw xlakata liwana namaklakaskinaw tuku tlan tlawayaw chu tuku katsiniyaw xlakata nalimalankiyaw Jehová, tiku Masta latamat (Sl 36:9; Ap 4:11). Maski chuna, taʼakglhuwit nema titaxtuyaw chali chali tlan natlawa pi tuku lakgchamputunaw xla kintakanajlakan nialh lu xlakaskinka naliʼakxilhaw (Mr 4:18, 19). Wa xlakata putum kakinkakgalhskinkan: «¿Kmaxkima Jehová tuku tlakg xatlan? (Os 14:2). ¿La makgtanu kintaskujut o kintakgalhtawakga xlakata la ktalalin Jehová? ¿Tuku klakgchamputun xlakata kintakanajla? ¿La tlakg naklichuwinan Dios?». Komo lakpuwana pi tlakg lhuwa tuku tlan natlawaya, kaskini tamakgtay Jehová chu kaliskujti tuku talakaskin nalakgpaliya. Xlikana: malankikan Jehová chali chali tlawa pi tlan namakgkatsiyaw chu napaxuwayaw (Sl 61:8).

KAʼAKXILHTI VIDEO «KAMAKLAKASKINTI TUKU KATSINIYA XLAKATA NASKUJNANIYA JEHOVÁ» CHU KAKGALHTI UMAKGOLH TAKGALHSKININ:

• ¿Tuku xlakata ni liskgalala nalimaklakaskinaw kxkakilhtamaku Satanás tuku katsiniyaw tlawayaw? (1Jn 2:17).

• ¿Tuku tasikulunalin makglhtinankgo tiku maxkikgo Jehová tuku tlakg xatlan?

• Xlipaks taskujut nema tlawanikan Dios, ¿niku tlakg xlakgati xmaklakaskinti tuku katsiniya tlawaya?