«Kamaxki kakni mintlat chu mintse»

Akxni Jesús xlama kKatiyatni wa pi lu xlakaskinka xwanit uma limapakgsin: «Kamaxki kakni mintlat chu mintse» (Ex 20:12; Mt 15:4). Jesús tlan wa uma tachuwin xlakata xla «xkakgalhakgaxmata» xnatlatni akxni aktsujku xwanit (Lu 2:51). Akxni lankata xwanit, lakkaxwililh pi xtse xkgalhilh tuku xmaklakaskilh akxni nialh xlatamalh kKatiyatni (Jn 19:26, 27).

La uku, kstalaninanin Cristo tiku lakgkgawasanku na limasiyakgo pi maxkikgo kakni xnatlatnikan akxni kakgalhakgaxmatkgo chu lakatitum katachuwinankgo. Limapakgsin niku wan pi nakamaxkiyaw kakni kinatlatnikan nikxni lakxla. Maski kinatlatnikan kgolonkgonita, nalimasiyayaw pi kamaxkiyaw kakni akxni kakgalhakgaxmataw xtastakyawkan (Pr 23:22). Atanu la nakalimasiyaniyaw kakni kinatlatnikan wa akxni kaʼakgatekgsniyaw tuku makgkatsikgo chu kamaxkiyaw tuku maklakaskinkgo (1Ti 5:8). Maski lakgkgawasanku o lankata akinin, pulaktum la nakalimasiyaniyaw kakni kinatlatnikan wa pi ni xmakgasni nakatachuwinanaw.

AKXNI AKXILHNITATA PIZARRA ANIMADA ¿LA TLAN NAKKATACHUWINAN KINATLATNI?, KAKGALHTI UMAKGOLH TAKGALHSKININ:

• ¿Tuku xlakata lakgachunin tuwa makgkatsiya nakatachuwinana minatlatni?

• ¿La tlan nakalimasiyaniya kakni minatlatni akxni katachuwinana?

  

• ¿Tuku xlakata ni kaj paxkat katiwa komo naliskuja nakatachuwinana minatlatni? (Pr 15:22).