Ni naʼakgchakgxaw chu ni nakamaʼakgchakgxayaw amakgapitsin

Jesús maklakaskilh liʼakxilhtit xlakata namasiya pi lu nitlan kitaxtu akxni wi tuku liʼakgchakgxaw o kamakgchakgxayaw amakgapitsin.

18:6, 7

• Tachuwin “liʼakgchakgxni” kilhchanima tuku tlawakan o titaxtukan nema tlawa pi chatum lataman natlawa tuku nitlan, naliʼakgchakgxa talakgxtumit xalimaxana o talakgalhin.

• Tlakg tlan napixchiwakakan xchiwix molino chu lhkgen napina kpupunu nixawa wi tiku namakgchakgxaya.

18:8, 9

• Jesús kawanilh kstalaninanin xchukumakgankgolh tuku lu xlakaskinka la xmakankan o xlakgastapukan komo xkamaʼakgchakgxa.

• Tlakg tlan namakgatsankgaya tuku xla mimakni maski xlakaskinka chu natanuya kTamapakgsin, nixawa natatamakgxtakga chu namakapinkana kʼGehena, nema kilhchanima lisputni putum kilhtamaku.

¿Tuku max nakimakgchakgxa chu tuku tlan naktlawa xlakata ni nakʼakgchakgxa o ni nakkamakgchakgxa amakgapitsin?