Pascua ni wa xkilhchanima akxni talakapastaka akxni tinilh Cristo, pero lhuwa tuku kinkamasiyaniyan tuku xtlawakan kʼuma fiesta. Akgtum li’akxilhtit, apóstol Pablo limapakuwilh Jesús «nkinkgalhnilujkan» xla pascua (1Co 5:7). Chuna la xkgalhni borrego nema mawakanika malakcha lakgmaxtulh latamat, xkgalhni Jesús na lakgmaxtu latamat (Éx 12:12, 13). Nachuna, borrego nema xmaklakaskinkan kPascua ni xlitalaktukxnit xwanit xlukut chu Jesús na ni laktukxnika nipara kgantum xlukut, maski chuna xlismanikan xtlawakan akxni wi tiku xmakgnikan chuna la makgnika Jesús (Éx 12:46; Jn 19:31-33, 36).