«Akgtum tamaskiwin nema maxkikan Jehová»

¿La tlan nalimatsamayaw kimakankan «tamakamastan xpalakata Jehová»? (1Cr 29:5, 9, 14). Unu talichuwinan makgapitsi la tlan xatapaxuwan namastayaw kintuminkan, xlakata taskujut nema tlawayaw xtatayananin Jehová kkinkachikinkan chu xlikalanka katiyatni.

TUMIN NEMA XATAPAXUWAN MASTAYAW K’INTERNET O KCAJAS, MAKLAKASKINKAN XLAKATA:

• 

  TASKUJUT NEMA TLAWAKAN XLIKALANKA KATIYATNI

  litlawakan sucursales chu oficinas remotas de traducción

  litlawakan escuelas niku masiyakan xlakata Dios

  kalimakgtayakan natalan tiku skujnanikgo Dios putum kilhtamaku

  limaklakaskinkan akxni wi tuku masputunan

  litlawakan videos, likgalhtawakga nema imprimirlikan chu tuku tlan namaktiyaw kʼInternet

• 

  TUKU TAMAKLAKASKIN KCONGREGACIÓN

  likaxtlawakan pukgalhtawakga chu lilakgaxokgokan chuchut o luz

  tumin nema congregación lakkaxwilinit namalakgachakan ksucursalh akgatunu papa’ xlakata:

  • nalitlawakan pukgalhtawakga chu niku tlawakan laklanka tamakxtumit klakgatum katiyatni

  • tuku lakkaxwilikanit xlakata namakgtayanankan xlikalanka katiyatni

  • atanu taskujut nema tatlawa xlikalanka katiyatni

ASAMBLEA REGIONAL CHU XLA CIRCUITO

Tumin nema tastokga kʼasambleas regionales maklakaskinkan xlakata natlawakan taskujut xlikalanka katiyatni. Uma tumin maklakaskinkan xlakata natlawakan asambleas regionales, especiales chu internacionales.

Tumin nema tastokga kʼasambleas xla circuito maklakaskinkan xlakata nalakgaxokgokan chu nalakkaxtlawakan niku tlawakan tamakxtumit. Akxni lakgaxokgokgonit putum tuku maklakaskinkgolh, makgapitsi circuitos max namastaputunkgo tumin nema nialh maklakaskinkgo xlakata nalitlawakan taskujut xla xtatayananin Jehová xlikalanka katiyatni.