KILATAMATKAN LA KSTALANINANIN CRISTO
Liwana kalaksakwi tuku nalilakgastananaw
¿Tuku xlakata liwana nalaksakaw tuku nalilakgastananaw? Xlakata akxni laksakaw akgtum película, akgtum takilhtlin, akgtum sitio xla Internet, maktum libro o akgtum videojuego, laksakmaw tuku natamaknuyaw kkintalakapastaknikan. Tuku lilakgastananaw makgtanu la likatsiyaw chu tuku tlawayaw. Lu nitlan, pero la uku, lhuwa lilakgastan liminkgo tuku Jehová nitlan akxilha (Sl 11:5; Gál 5:19-21). Wa xlakata, Biblia kinkamakgpuwantiniyan nalilakpuwanaw tuku maxki kakni Jehová (Flp 4:8).
AKXNI AKXILHNITATA VIDEO ¿TUKU NAKLILAKGASTANAN?, KAKGALHTI UMAKGOLH TAKGALHSKININ:
¿La tatalakxtumi gladiadores xalak Roma makgapitsi lilakgastan xala uku?
¿La tlan nakamakgtayakgo natalan xalak congregación lakgkgawasan xlakata liwana nalaksakkgo tuku nalilakgastanankgo?
¿La kinkamakgtayayan Romanos 12:9 xlakata liwana nalaksakaw tuku nalilakgastananaw?
¿Tuku lilakgastan nema makgapaxuwa Jehová anan niku akinin lamaw?