Kgawasa, kaliskujti xlakata natlawaya “tuku tlan”

Carta nema Dios malakpuwanilh Pablo natsokgni Tito, apóstol wani Tito chu amakgapitsin lakgkgawasan pi xliwilitkan «xatlan liʼakxilhtit» xliputum tuku tlawakgo kxlatamatkan (Tit 2:6, 7). Antiya kʼuma capítulo, wan pi xkachikin Jehová xʼamaka maskulunkikan xlakata xtlawalh «tuku xatlan» xliputum xnaku (Tit 2:14). Pulaktum tuku xatlan taskujut, wa nalichuwinankan chu namasiyakan tuku xla xTamapakgsin Dios. Komo wix kgawasaku o tsumatku, ¿tlan namaklakaskina militliwakga xlakata precursor auxiliar o regular nalitaxtuya? (Pr 20:29).

Komo precursor litaxtuputuna, liwana kalakkaxwili tuku tlan natlawaya xlakata tlan namakgantaxtiya uma (Lu 14:28-30). Akgtum liʼakxilhtit, ¿tuku natlawaya xlakata tlan nakgalhiya tuku namaklakaskina akxni precursor nalitaxtuya? ¿Tuku tlan natlawaya xlakata namakgatsiya hora nema milimastat? Kalitachuwinanti Jehová uma (Sl 37:5). Kakalitakgalhchuwinanti uma minatlatni chu natalan tiku lu tlan liskujmakgo la precursores. Alistalh, katlawa tuku talakaskin xlakata nalakgchipina uma. Jehová nasikulunatlawayan xlakata skujnaniputuna xliputum minaku.

AKXNI AKXILHNITATA VIDEO LAKGKGAWASAN TIKU MALANKIKGO JEHOVÁ, KAKGALHTI UMAKGOLH TAKGALHSKININ:

• ¿Tuku tuwa titaxtukgolh makgapitsi natalan xlakata precursores xlitaxtukgolh chu la tlawakgolh?

• ¿Tuku tlan natlawakgo natlatni xlakata nakamakgtayakgo xkamanankan precursores nalitaxtukgo?

• ¿Tuku xlakata xlakaskinka nalakkaxwiliya tuku hora nalichuwinana Dios?

• ¿Tuku tlan natlawakgo natalan xalak congregación xlakata nakamakgtayakgo chu nakamaʼakgpuwantinikgo precursores?

• ¿Tuku tasikulunalin makglhtinankgo precursores?