Jehová kapaxki tiku xaskulunku

Lhuwa natlatni kamasiyanikgo xkamanankan la namakgachakgankgo, nakaxakakgo niku lhtatakgo, nakapalhnankgo kchiki chu natamakxtukgo basura xlakata lakaskinkgo ni xataxkajwani natawilakgo. Pero tiku tlakg lakaskin pi xaskulunku katawilaw wa kiDioskan, xlakata xla xasanto (Éx 30:18-20; Dt 23:14; 2Co 7:1). Akxni ankgalhin makgachakganaw chu ni xataxkajwani wiliyaw tuku kgalhiyaw, malankiyaw Jehová (1Pe 1:14-16). ¿La wi kinchikkan chu xtankilhtin? Makgapitsi latamanin makgankgo basura ktiji chu kparques, pero kstalaninanin Cristo liskujaw xlakata ni namaxkajwiyaw planeta (Sl 115:16; Ap o Rev 11:18). Asta tuku laktsu, la niku makganaw xlimakgchikan akgtum dulce, latas xla refresco o niku makganaw litsakgat litasiya komo xlakaskinka akxilhaw ni xataxkajwani natawilayaw. Lakaskinaw katasiyalh pi akinin “xskujnin Dios litaxtuyaw” xliputum tuku tlawayaw (2Co 6:3, 4).

AKXNI AKXILHNITATA VIDEO DIOS KAPAXKI TIKU XASKULUNKU, KAKGALHTI UMAKGOLH TAKGALHSKININ:

• ¿Tuku likilhankgo makgapitsi latamanin xlakata ni naxakakgo tuku kgalhikgo?

• ¿La kinkamakgtayayan limapakgsin nema maxkika Moisés nakatsiyaw tuku lakpuwan Jehová xlakata xaskulunku natawilayaw?

• ¿La tlan namalankiyaw Jehová maski ni nachuwinanaw?