Katiyatni «kgotwalh kgalhtuchokgo»

Chuna la titaxtunit kilhtamaku, mapakgsinanin makglhuwa kamakgtayakgonit xkachikin Jehová (Esd 6:1-12; Est 8:10-13). Asta kkinkilhtamakujkan akxilhnitaw pi «katiyatni», tuku anan kkakilhtamaku nema tlakg lakapastaknankgo, kgotwanit «kgalhtuchokgo», uma kilhchanima taputsastalanit nema malakgachanit Satanás (Ap 12:16). Jehová, «Dios tiku lakgmaxtunan», makglhuwa tlawanit pi mapakgsinanin nakamakgtayakgo xkachikin (Sl 68:20; Pr 21:1).

¿Chu komo wix tamaknukanita kpulachin xlakata mintakanajla? Putum kilhtamaku kalakapastakti pi Jehová kuentajtlawaman (Gé 39:21-23; Sl 105:17-20). Kakatsi pi mintakanajla nasikulunatlawakan chu miliʼakxilhtit nakamakgtaya natalan xlikalanka katiyatni (Flp 1:12-14; Ap 2:10).

AKXNI AKXILHNITATA VIDEO KATAMAKXTUKAN KPULACHIN KINATALANKAN XALAK COREA, KAKGALHTI UMAKGOLH TAKGALHSKININ:

• ¿Tuku xlakata lata makgasa lhuwa natalan xalak Corea del Sur xkatamaknukan kpulachin?

• ¿Tuku lakkaxwilikgolh tribunales nema makgtayanalh pi natalan xtaxtukgolh akxni nina xtakgatsi kilhtamaku nema xlitaxtutkan xwanit kpulachin?

• ¿La nakamakgtayayaw natalan xlikalanka katiyatni nema tanumakgolh kpulachin xlakata xtakanajlakan?

• ¿Tuku kilitlawatkan uku xlakata ni tanumaw kpulachin?

• ¿Tiku lakgchan namalankikan xlakata tlajananitaw ktribunales?