KILATAMATKAN LA KSTALANINANIN CRISTO
¿Tuku tlakg xlakaskinka kakxilha?
Jacob talachipama chatum ángel xlakata namakglhtinan tuku lu xlakaskinka: xtasikulunalin Jehová (Gé 32:24-31; Os 12:3, 4). ¿Chu akinin? ¿Liskujputunaw xlakata nakgalhakgaxmataw Jehová chu namakglhtinanaw xtasikulunalin? Akgtum liʼakxilhtit, komo kiliʼanatkan ktamakxtumit chu tlakg lhuwa hora kiliskujatkan, ¿tuku nalaksakaw? Komo namaxkiyaw Jehová kinkilhtamakujkan, kilitliwakgakan chu tuku kgalhiyaw, xla lhuwa nakinkasikulunatlawayan chu nitu kintikatsankganin (Mal 3:10). Nakinkapulalinan, nakinkakuentajtlawayan chu nakinkamaxkiyan tuku namaklakaskinaw (Mt 6:33; Heb 13:5).
AKXNI AKXILHNITATA VIDEO CHUNTIYA KALAKAPASTAKTI TUKU LAKGCHIPIMPUTUNA, KAKGALHTI UMAKGOLH TAKGALHSKININ:
¿Tuku taputsan titaxtulh chatum tala?
¿Tuku xlakata kintaskujutkan max akgtum taputsan nalitaxtu?
¿Tuku xlakata xtalakaskin pi Timoteo chuntiya wi tuku xlakgchamputulh maski tliwakgata xkgalhi xtakanajla? (1Ti 4:16).
¿Chu wix? ¿Tuku tlakg xlakaskinka kmilatamat?
¿La limasiyayaw tuku taskujut tlakg xlakaskinka liʼakxilhaw?